2015 jyldyń jeltoqsanynda 15 jastaǵy anoreksıaǵa shaldyqqan Pıppa Makmanýs óz-ózine qol jumsaǵan. Mundaı qadamǵa barmas buryn qyz hat qaldyryp ketipti. Hatynda «Men barynsha kúresýge tyrystym, biraq anoreksıa mennen myqtyraq bolyp shyqty» dep jazylǵan.

12 jasynda Pıppa óziniń salmaǵynyń aýyrlyǵyna alańdaı bastaıdy. Ol ózge balalar sekildi kún keship júrgen: teledıdar qaraıdy, kompútermen oıyndar oınaıdy, túrli baǵdarlamalardy qaraıdy. Ózine qatty unaǵan baǵdarlamalardyń biri – «Naǵyz áıel qandaı bolýy kerek?» edi.

Sóıtip, óziniń ıeginiń tolyqtyǵyna kóńili tolmaıtyn bolyp shyqty, bul «máselemen» kúresýdiń jolyn da izdestirip baqty.

Ýaqyt óte kele, qyzdyń ata-anasy onyń tym júdep ketkenin baıqaıdy. Sóıtip, 2015 jyly Rojdestvo kezinde, qyz esinen tanyp qalady. Aýrýhanaǵa jetkizilgende, salmaǵynyń nebári 27 keli bolǵany anyqtalady. Qyz anoreksıa aýrýyna shaldyqqan, tamaqqa degen tábeti buzylyp, júdep ketýine ákelip soqqan.

Bul jaǵdaıdan soń qyz durys tamaqtaný júıesiniń buzylýymen kúresetin aýrýhanaǵa jatady. Birde, tiri ólikke aınalǵan Pıppa bólmeden qanǵa boıalǵan pyshaq pen hat ustaǵan kúıi tabylady.

Alaıda, qyz aman qalady. Ata-anasy aýrýhananyń keri áser etip jatqanyn baıqap, qyzdaryn úılerine alyp ketedi. Eki kúnnen soń úıge polıseı kelip, qyzdarynyń poıyz astyna túsip, qaıtys bolǵanyn habarlaıdy.

Muny bilgen otbasy músheleri esterinen tanyp qalady. Biraq  ózderin qolǵa alǵan ata-ana qyzdarynyń qaıtyp kelmesin bilip, eń bolmaǵanda ózge qyzdardyń densaýlyǵy, ómiri úshin «Durys tamaqtanbaý júıesimen kúres» atty qaıyrymdylyq qoryn ashady.   

Ata-ananyń bul qadamy, Pıppanyń oqıǵasy dál osyndaı soraqylyqtyń aldyn alatyndaı ózge qyzdarǵa úlken sabaq boldy. Birneshe qyzdyń ómirin qutqaryp qaldy.

Sholýshy: Gúlim Jaqan