Tehas shatatynyń Tombola aımaǵynda 10 jastaǵy Dreık Medıngerdiń qaterli isik aýrýynan kóz jumar aldyndaǵy sýretteri kez kelgen adamǵa ómirdiń mánin túsinýge áser etetini sózsiz dep jazady Qamshy aqparattyq agenttigi.

Balanyń anasy Djessıka Medınger  aýrýǵa shaldyqqan ulynyń sýretterin jelige júktep, janyna jan tebirenter áserli sózder jazǵan.

«Bul jaǵdaı Dreıkti jýyndyrýǵa apara jatqanda boldy. Jaıalyq kıgen sebebi de sol aýrýdan edi. 75 % ol óziniń zár shyǵarýyna jaýap bere almaıdy. Azyp-tozyp súıegi ǵana qaldy. Men ony tym quryǵanda bir qasyq as ishkizýge kóndirýmen bolamyn. Kúnine bir staqan sý ishýi úshin barymdy salamyn. Túnde ol meniń janymda uıyqtaıdy. Onyń da sebebi bar. Ol jalǵyzdyqta jan tapsyrýdan qorqady. Meniń únemi janynda bolǵanymdy qalaıdy».

2012 jyly Dreıkke aqqan aýrýynyń dıagnozy qoıyldy. 2016 jyly Dreıktiń otbasy aýrýdy jeńdik dep oılady. Alaıda aýrýy qaıtadan asqyna bastady.

Dreık Medıngerdiń jýynatyn bólmede túsirilgen sýretin 80 myń jeli qoldanshylary jeke paraqshalary men túrli toptarǵa bólisken bolatyn.

Qaterli isik aýrýyna qarsy Love What Matters atalatyn sheteldik uıym balanyń oqıǵasyn kórip, aksıa bastady. Aksıa aıasynda kez kelgen adam 10 jastaǵy Dreıkti qoldap hat jibere alady.

Hatqa anasynyń myqty bolýǵa shaqyratyn sózderin jazyp qaldyrǵandar da boldy.

«Qaterli isikke shaldyqqan kez kelgen naýqas hımıalyq em qabyldaıtyny belgili.  Men júktep otyrǵan sýret búgin tańerteń túsirildi. «Jaıalyqta turǵan sýretin nege júkteısiń?» dep san saýaldyń astyna almas buryn men jaýap bereıin:

1. Ol sýrette ulym ádettegi ishkıimmen kólemi birdeı jaıalyqta tur.
2. Ekinshiden, ómir barlyǵyna kúlip qaraı bermeıdi. Al rak aýrýy adamnyń dene bitimine zıan keltiretini belgili.

Kún ótken saıyn ýaqyt talǵamaı, tipti, túnniń ortasynda turyp:  «Mama, men ólgen soń aspanǵa tap bolamyn. Ol jaqtan ákemdi kórip, onymen oınaı alamyn ba?» degen suraqtar qoıýda.

Rak- tósegińnen turyp, kerek jerińe barý da qıyndyq týdyratyn aýrý.

Asqazanynda eshteme bolmaǵan soń  bergen dárilerdi laqtyrǵanda et júregiń ezilip, kózińe eriksiz jas keledi.

Bir qasyq as ishkizý úshin san túrli amal oılap taýyp otyrasyń.

Aýry denesine qol tıgizbesteı halge jetkende, aýrýdy basatyn dári qoldanýǵa týra keledi.

11 jasqa tolmaı dúnıeden ótýden qorqamyn dep til qatqanda, sen kúrespeseń de men kúreemin dep kúsh berýmen boldym.

Dreık – meniń álemim. Dreıkke aıaǵym aýyrlaǵanyn bilgennen sońǵy sátke deıin ol meniń bar ómirimniń máni boldy. Ol – meniń kúlkim, meniń mahabbatym, meniń júregimniń soǵysy. Ol meniń kóz jasym men meniń júrek aýrýym, meniń qaıǵym».

Ananyń balaǵa degen teńdessiz mahabbaty sheksizdikpen para-par. Aq sútin berip, aıalap ósirgen ananyń jan aıqaıy qanshama júrekti tebirentip, qanshama adamǵa oı salǵany sózsiz.

Daıyndaǵan: Aıgerim TAÝBAI