Astanada qart júrgizýshini aıaýsyz uryp-soqqan adam óz áreketin túsindirdi, - dep habarlaıdy Qamshy aqparattyq agenttigi Tengrinews.kz basylymyna silteme jasap.

İzdeý sharalary barysynda Astananyń 23 jastaǵy turǵyny ustalǵan. Qart adamdy uryp-soǵý deregine qatysty "Buzaqylyq" baby boıynsha tergeý amaldary júrgizilip jatyr eken. Alaıda jábirlenýshiden ázirshe aryz túspegen. "Osyǵan baılanysty jábirlenýshiden polısıaǵa habarlasýdy suraımyz", - deıdi qalalyq İİD ókilderi.

Polısıadaǵylardyń aıtýynsha, júrgizýshini asa qatygezdikpen uryp-soqqan er adam óz áreketine joldaǵy janjaldyń sebep bolǵanyn aıtqan. Janjaldan keıin ol osylaısha áreket etýdi uıǵarypty. 

Munyń aldynda İİD-niń baspasóz hatshysy Sofá Qylyshbekova er adamnyń tabylǵanyn jáne sotaldy tergeý júrgizilip jatqanyn habarlaǵan. 

Al osyǵan deıin Astana polısıasynyń júrgizýshini uryp-soqqan adamdardy izdestirip jatqany habarlanǵan edi. Eske sala keteıik, jaqynda áleýmettik jelilerde jáne Instagram jelisindegi paraqshalarda el óńirleriniń birinde túsirilgen vıdeo paıda bolǵan edi. Vıdeodaǵy kadrlardan er adamnyń tal túste ózinen úlken er adamdy uryp jatqanyn kórýge bolady.