Astanadaǵy kóshelerge sheteldik qaıratkerlerdiń esimin berý memleketter arasyndaǵy dostyq baılanysty nyǵaıtýǵa áserin tıgizedi, dep jazdy Qamshy aqparattyq agenttigi.

Astanadaǵy ataýsyz eki kóshege tanymal qaıratkerlerdiń esimin qoıý usynyldy. Bul másele Máslıhattyń turaqty komısıasynyń otyrysynda talqylandy.

Ataýsyz kóshelerdiń biri bolyp sanalǵan 7333 metrlik kóshe búgingi tańda №31 degen ataýmen atalyp kelgen. Ol kóshege Iordanıa koroli Hýseın ben Talaldyń esimin berý kózdelip otyr. Ol 1952 jyly 16 jasynda taqqa otyrǵan koról.

«Bul usynys 2016 jyldyń kúzinde ótken Astana onomastıkalyq komısıasynyń otyrysynda qabyldanyp,  Respýblıkalyq onomastıkalyq komısıa músheleri tarapynan maquldanǵan», - dep málimdedi Tilderdi damytý basqarmasynyń tóraǵasy Tileýǵalı Qyshqashbaev.

№36 degen ataýmen atalyp kelgen endi bir kóshe memelekettik qaıratker, «Alash» zıalysy Álıhan Bókeıhanovtyń esimimen atalmaq.

«Bul kóshe 4823 metrge deıin sozylatyn bolady, buǵan deıin 400 metr bolǵan. Sh. Qaldaıaqov kóshesinen bastalyp, Kereı, Jánibek, T. Rysqulov, Uly Dala kóshelerimen qıylysatyn bolady», - dedi bólim basshysy.