Almatydaǵy Ortalyq meshitte qaıyrymdylyq tólemderin qabyldaıtyn termınaldar ornatyldy, dep habarlaıdy Qamshy aqparattyq agenttigi qalanyń resmı saıtyna silteme jasap. 

Almatydaǵy Ortalyq meshitke kelýshiler ózderiniń qaıyrymdylyq tólemderin (pitir, sadaqa jáne t.b) elektrondy termınal arqyly bere alady, bul jańalyqtyń basty maqsaty — túsetin qarjylardyń ashyqtyǵyn qamtamasyz etý. 

«Búgingi kúni Bes ınstıtýsıonaldy reformany júzege asyrý barysynda memlekettik organdar qoǵam aldynda barynsha ashyq bolýda jáne esep berýde. Almatyda aýrýhanalar, mektepter, balalar baqshalary, PIK-ter ózderiniń qarjylyq esepterin jarıalap, qalalyqtar senimine ıe bolýda, mine, endi Almaty meshiti de alǵashqylardyń biri bolyp osy jolmen júre bastady», — dep atap ótti megapolıs ákimi Baýyrjan Baıbek.

Ortalyq meshittiń Bas ımamy Nurbek Esmaǵanbetova bul tehnologıanyń pılotty rejımde qoldanylatynyn aıtty. Burynnan qalyptasqan ádis te qoljetimdi, meshitke kelgen kez- kelgen jan qaıyrymdylyq tólemderin ashyq ýrnalarǵa sala alady. Aı saıynǵy jınalǵan qarjynyń jalpy somasy meshittiń saıtynda jaráılanady.