Dıma Kalenkın eshqashan óziniń týǵan ata-anasyn kórmegen. Dúnıege kelgen sátte balaǵa «gıdrosefalıa» degen dıagnoz qoıylǵan. Ony bilgen ata-anasy balasynan bas tartqan. Al Dıma bolsa Ýkraınanyń Kramatorsk qalasynda múgedekterge arnalǵan balalar úıinde tárbıelengen, dep habarlaıdy Qamshy aqparattyq agenttigi.

Dımanyń ata-anasy  bas tartqanymen qoımaı balanyń basyna taǵy bir bult úıirilgen.  Ýkraınadadaǵy áskerı jaǵdaılarǵa baılanysty Dıma tárbıelenip jatqan balalar úıi kimniń qaramaǵyna ótetini jaıly úlken daý boldy.  Sonyń nátıjesinde Dıma Harkovadan bir-aq shyqty.

Jergilikti dárigerler Dımanyń  jaǵdaıyn kórip kózderine jas aldy. Dımanyń adam qataryna qosylýy eki talaı boldy. Ol ómiriniń sońyna deıin múgedekterge arnalǵan  mekemede turatyndaı halde edi.

Oılamǵan jerden ǵajaıyp qubylys oryn aldy. Ernest pen Rýt Chaves esimdi amerıkalyq otbasy balalar úıine bala asyrap alý úshin júginedi. Ýkraınadaǵy jaǵdaıdy estip, Chavester balany asyrap alýǵa sheshim qabyldaıdy. Úlken úıde Chavester otbasynda ár ulttyń jeti balasy ómir súrýde. Eki aıdyń ishinde balany asyrap alý jumystary aıaqtalyp, Dıma jańa otbasymen tanysyp  úlgergen.

Sábıge Zebdaıah Chaves degen jańa esim berldi. Sol ýaqytqa deıin qolyna qasyq ustaı almaǵan bala búginde eshkimniń kómeginsiz ózi tamaqtanýǵa qaýqarly.

Asyrap alǵan sátten beri balanyń ata-anasy onyń densaýlyǵyn qadaǵalaýda. Bala búginde óz aıaǵymen júrýge áreket jasaýda. Eki tildi de tolyqqandy ıgerip úlgergen. 

Daıyndaǵan: Aıgerim Taýbaı