Qazaqstandyq júzgish, olımpıada chempıony Dmıtrıı Balandın Bolgarıa ashyq chempıonatynda jeńiske jetti. Ol 100 metrge bras ádisi boıynsha júzýden (1:01,42) aldyna jan salmady, dep habarlaıdy Qamshy aqparattyq agenttigi Stan.kz saıtyna silteme jasap.

Bul qashyqtyqta ol bolgarıalyq Lachezara Shýmkov (1:02.24) pen qazaqstandyq Aıbek Kamzenovty (1:02,59) artqa tastady. Balandın Sofıa tórinde ekinshi altynyna qol jetkizý úshin 200 metr qashyqtyqta da jeńiske jetýi tıis.

Osydan keıin sportshy 14-30 shilde aralyǵynda Býdapeshtte ótetin álem chempıonatyna qatysýy múmkin.

Eske sala ketsek, qazaqstandyq júzgish Balandın byltyr ótken Rıo olımpıadasynda 200 metr qashyqtyqty bras ádisimen júzip ótýde chempıon atanǵan bolatyn. Bul jeńisine oraı tipti Aqmola oblysyndaǵy baseınge onyń esimi berildi.