Massaget.kz jastar portalyndaǵy «Aına» baǵdarlamasy Qazaqstan jazýshylar odaǵy syılyǵynyń, Qazaqstannyń Memlekettik syılyǵynyń, Táýelsiz «Tarlan» syılyqtarynyń laýreaty, jazýshy Qabdesh Jumadilovpen syrlasty.

Qos Imperıanyń (Qytaı, KSRO) dámin tatyp, 200 myńnan astam qazaqty ata qonysyna bastap kelgen tulǵanyń kókiregi tunǵan qazyna. Ónegege toly jazýshy ómiriniń qazynasyn Qamshy aqparattyq agenttigi oqyrman nazaryna usynýdy jón kórdi.

Qytaıǵa qaraǵan Tarbaǵataı aýmaǵyndaǵy Sháýeshek aýylynda dúnıege kelgen Qabdesh Jumadilov stýdent kezinde-aq ómirdiń ashshy dámin tatty. Qýǵyn-súrginge ushyrady. Qınalǵan qazaq jurtyn kórgen el azamaty 20 myńnan astam qazaqty ata qonysqa kóshirmek nıette kósh bastaıdy, sonyń saldarynan Qytaı jerine dushpan atanady. Alaıda týǵan jerge degen saǵynyshy ózegin órteıdi, sol saǵynysh shyǵarmashylyǵyna arqaý bolady, ózek bolady.

Eki Imperıanyń dámin tatqan qazaq jazýyshysy jeke adam baqytty bolýy úshin halyq baqytty bolýy tıis, jeke adam azat bolýy úshin ult azat bolýy tıis deıdi.

Halyq úshin, el úshin kóńili bos nar tulǵa jazýshy qaýymdy emosıonaldy adamǵa balady. Máselen, óz shyǵarmasyn jazyp otyryp, óz keıipkeri ólse, aǵyl-tegil jaylaıtyn kórinedi. Qabanbaı ólgende, batyrmen birge joryqta bolyp, kózinshe qaza tapqandaı elmen birge Qabanbaıdy joqtap Jumadilov qosa jylaǵan. Nemese «Taǵdyr» romanyndaǵy Demejandy darǵa asar sátte keıipkerimen qımaı qoshtasqan. Jazýshy qaýymnyń syrttaı batyl kóringenimen, kóńili bos ekeni osyǵan dálel.
 

Sondaı-aq, kózi kórgen uly tulǵa retinde Muhtar Áýezovti atady. Shyńjańdaǵy naýqandy esine ala otyryp, óziniń jazýshy bolǵany úshin qýǵyn-súrginge ushyraǵan sátimen bólisti. Sheshim shyǵarylǵanda jazýshy birinshi bolyp Muqańmen qoshtasqan, ańyz adamnyń batasyn alǵan.