Búgin Parlament palatalarynyń birlesken otyrysy ótip, altynshy ret saılanǵan Parlament  ekinshi sesıasyn aıaqtady, dep habarlaıdy Qamshy aqparattyq agenttigi QazAqparatqa silteme jasap. 

«Qaı kezeńde bolsa da elimiz úshin árqashanda zańnyń orny erekshe, mańyzy óte zor. Búgin biz sol zańdardy shyǵaratyn elimizdegi eń joǵary ókiletti organ qos palataly Parlamettiń kezekti sesıasyn aıaqtap otyrmyz. Altynshy shaqyrylǵan Parlamenttiń ekinshi sesıasy óte mańyzdy jáne tarıhı kezeńde ótti deýge bolady»,-dep toqtaldy QR Parlamenti Májilisiniń tóraǵasy Nurlan Nyǵmatýlın. Osyǵan oraı ol dástúr boıynsha atqarylǵan jumystarǵa esep berip, bolashaq josparlarmen bólise kele, Qazaqstan Respýblıkasy Táýelsizdiginiń 25 jyldyǵy Deklarasıasy qabyldanǵanyn, iri konstıtýsıalyq reformalar júrgizilgenin eske salyp ótti. Bul tikeleı halqymyzdyń bolashaǵy úshin jasalǵan óte mańyzdy qadam.

 «Osyndaı óte jaýapty kezeńde Parlament depýtattary Prezıdentimizdiń ekinshi sesıanyń ashylýynda alǵa qoıǵan strategıalyq tapsyrmalardy júzege asyrýǵa belsene aralasty. Ekinshi sesıada qos palatanyń alty birlesken otyrysy, Májilistiń  38 jáne Senattyń 25 jalpy otyrystary ótti. Bul kezeńde Parlament qaraýynda 111 zań jobasy boldy, onyń 84-i qabyldandy. Olardyń ishinde 15 zań jobasyna bizdiń depýtattarymyz ózderi bastamashy boldy. Parlament  qabyldanǵan 66 zańǵa búgingi kúni Prezıdent qol qoıyp, olar óz kúshine endi»,-dedi Májilis tóraǵasy.

Sholýshy: Aıgerim Taýbaı