"Astana Arena" stadıonynda óziniń tabıǵı darynymen mıllıondardy moıyndatqan talantty ánshi Dımash Qudaıbergenniń "Bastaý" atty jeke shyǵarmashylyq án keshi ótti. 4 saǵattan astam ýaqyt ótken kesh týraly jurtshylyqtyń pikiri oń. Kóptegen kórermen asyǵa kútken "Bastaý" nesimen erekshelendi? Otyz myń jankúıerdiń basyn qosqan konserttiń 5 ereksheligin aıtyp kórelik., dep jazady Qamshy aqparattyq agenttigi Massaget.kz saıtyna silteme jasap.

1. Qazaqstanda "Astana Arenany" alǵash toltyrǵan Dımash boldy. Ol bul keshke 30 myńnan asa adam jınady, olardyń 60%-y qazaqstandyqtar bolsa, 40%-y sheteldikter. 

2. Saf óner árdaıym óner ıesinen adaldyqty talap etedi. Onyń dáleli – jandy daýys. Bul konsertte Dımash 100% paıyz jandy daýysta án shyrqady. 

3. Elimizde tuńǵysh ret fanklýbtar birlestigi kórindi, kórinip qana qoımaı ispen dáleldendi. Atap aıtsaq, "Dimash&Dostar", "DimashdearsEurasianFanclub", t.b. birlestikter boı kórsetti. 

4. Keshke tek otandyq jankúıerler emes, sonymen qatar alys-jaqyn shetelderden birneshe jankúıer keldi. Atap aıtsaq, Qytaı, Reseı, Fransıa, Kanada, Japonıa, Indonezıa, tipti muhıttyń ar jaǵynan (AQSH) da jankúıerler kelip qatysty. 

5. Úzdik sahna, utqyr rejıserlik sheshim, kásibı bı toptary qatysqan keshte Dımash án aıtyp qana qoımaı, bıshilik ónerimen de jankúıerlerdiń nazaryn aýdardy.