Madrıdte «Ýber» men «Kabı faı» onlaın qyzmetterine qarsy baǵyttalǵan taksı júrgizýshileriniń kezekti narazylyq sharasy ótti. Olar Ispanıa kólik mınıstrligi ǵımaraty aldynan sherýmen ótti dep habarlaıdy 24.kz. Sherýshiler atalǵan kompanıalar adal básekege túspeı, zańdy buzyp júr dep sanaıdy. Taksı júrgizýshiler lısenzıasy úshin 120 myńnan bastap 170 myń eýroǵa deıin tólep júr. Al «Ýber» men «Kebı faı» júrgizýshileri salyqtyń ózge túrin tóleıdi eken. Kólikti júrgizýshisimen birge jaldaý lısenzıasy 4 ese arzan, shamamen 32 myń evro turady. 2014 jyly Ispanıa soty «Ýber» kompanıasy el zańdaryn buzyp, adal básekege túspeı júr degen úkim shyǵarǵan bolatyn.

Osydan keıin «Ýber» Ispanıadaǵy jumysyn doǵarǵan edi. Alaıda, byltyrǵy jyldyń aıaǵynda ataýyn «Ýber-Iks» dep ózgertip Madrıd kóshelerine qaıta oraldy. Joze Gabrıel, taksı júrgizýshisi: - Ókimetten kólik jóninde zańdy qorǵap, kvotalardyń saqtalýyn talap etý úshin kóshege shyqtyq. Kólikti júrgizýshisimen birge jaldaýdyń bir lısenzıasy 30 taksı kóligine eseptelýi tıis. Biraq joldarymyzǵa qarasańyz, bul erejege elemeıtinin kóresiz.