Túlekter UBT uıymdastyrýshylarynyń ústinen shaǵym túsirdi, - dep habarlaıdy Qamshy aqparattyq agenttigi Tengrinews.kz saıtyna silteme jasap. Bul týraly QR BǴM Ulttyq testileý ortalyǵynyń dırektory Ulttyq biryńǵaı testileý qorytyndylaý baspasóz brıfıńinde málimdedi.

Jýrnalıserdiń suraǵyna jaýap bere otyryp Ramazan Álimqulov shtattan tys oqıǵalar tirkelmegenin aıtty. Alaıda test tapsyrýshylar men tekserýshiler arasynda bir jaǵdaıdyń bolǵanyn aıtyp berdi. 

"Qazaqstannyń bir óńirinde bir jaǵdaı boldy, bizdiń ókilderimizdiń ústinen test tapsyrýshylar polısıaǵa aryz túsirgen, olardyń aıtýynsha tekserýshiler túlekterdiń telefondaryn joıyp jibergen ne tartyp alǵan. Bul oqıǵany polısı bóliminde test tapsyrý kezinde tekserýshiniń erejege saı áreket etkenin túsindirip, bóten zattardyń alynantynyn aıttyq. Osylaısha, biz kelesi jyly test tapsyrýshylarǵa eskertkimiz keledi. erejege sáıkes test tapsyrýǵa bóten zattardy, ıaǵnı elektrondyquraldar quraldardy paıdalanýǵa múldem ruqsat joq. Osy máseleni nazarǵa alsa eken deımiz", - dedi QR BǴM Ulttyq testileý ortalyǵynyń dırektory Ramazan Álimqulov. 

Sonymen qatar, UBT erejelerin buzǵan jáne ruqsat etilmegen zattardy paıdalanǵany úshin 12 adamnyń testileýden shyǵarylǵanyn jetkizdi. 85 446 ruqsat etilmegen zat tárkilendi, onyń ishinde 43 394 elektrondy qurylǵylar (uıaly telefondar, roýter, modemder) jáne 42 052 qaǵaz kómekshiler bar(shpargalkalar, kitaptar).

"Óz-ózińdi aldaý múmkin emes. Ómirde tek óz kúshińe sengen durys. Óz bilimiń arqyly test tapsyrǵan tıimdi, - dedi QR BǴM Ulttyq testileý ortalyǵynyń dırektory Ramazan Álimqulov.