Búgin QR Prezıdenti Nursultan Nazarbaev elimizdegi eń úlken Týdyń túbinde ótken merekelik sharaǵa qatysyp, Astana kúnine arnalǵan merekelik sharalardyń bastalǵanyn resmı túrde jarıalady, dep xabarlaıdy Qamshy aqparattyq agenttigi QazAqparat málimetine súıenip.

"Bıyl súıikti Astanamyzǵa 19 jyl tolyp otyr. Bul barsha qazaqstandyqtarǵa ortaq mereke. Biz - baqytty urpaqpyz. Sebebi ata-babalarymyz kórgen surapyl soǵys pen ashtyqtyń zardabyn tartqan joqpyz. Qazirgi ómirimiz osy qalpynda boldy dep oılaımyz. Olaı emes. Búgingi urpaq ata-babalarymyzdyń arqasynda osy kúnge jetip otyr. Bizdiń endigi maqsatymyz - osy birlik-berekeni saqtaý, jeńiske jetý. Básekelestikke tótep berip, tek jeńiske ǵana jetýimiz kerek. Sonyń arqasynda alǵa qoıǵan maqsattarǵa jetip, qabyldaǵan baǵdarlamalardy iske asyra alamyz", - dedi Nursultan Nazarbaev.

Memleket basshysy xalyqtyń birligi bolmaı, eshbir baǵdarlamany iske asyra almaıtynymyzdy jetkizdi. Al birlik-yntymaq bolsa, Qazaqstandy budan da joǵary deńgeıge kóterip, álem qaýymdastyǵynyń qurmetine bólenýge múmkindik bar.

Aıta keteıik, búgingi shara barysynda Prezıdent Týdy qalaı tańdaǵanyn eske aldy.

Sholýshy: Aıgerim Taýbaı