Qart anasyn qapalandyrǵan balalar. Astanada 75-tegi keıýanany ózegin jaryp shyqqan uly men qyzy dalada qaldyrmaq. Olar Aıtjamal áje turyp jatqan páterdi óz attaryna aýdaryp alyp, ol kisini baspanadan qýyp shyqqysy kelip jatyr eken, dep jazady Qamshy aqparattyq agenttigi Stan.kz saıtyna silteme jasap.

Sharasyz ana sotqa shaǵymdanǵanymen, ondaǵylar shaǵymdy otbasylyq másele dep, qaramaı qoıypty. 

Aıtjamal Áshimovanyń jasy 75-te. 4 balanyń anasy. Eki ul, eki qyz súıgen. Bir qyzy 1-toptaǵy múgedek bolǵandyqtan,  20 jyl boıy soǵan qaraǵan. Sóıtip júrgende Qudaı qosqan joldasy jarymjan balasyna qaraýdan bas tartyp,  tastap ketken. Qolynda sol qyzynan týǵan nemeresi bar.

«Mamanyń aǵaıyndary bar. Biraq ta eshkim osy jyldar boıy kómektesken joq. Kómekteskenniń ornyna ájemniń jyldarynyń sońynda kvartırasyn tartyp alyp, basqa eshteńe istegen joq. Mamanyń qazir qoldary da qozǵala almaıdy.

Júre almaıdy. Ájem osy 20 jyldaı boıy mamama qarady. Jáne meni baqty, ósirdi. Oǵan árıne úlken raqmet» – deıdi Aıtjamal Áshimovanyń nemeresi Jandos Ybyraev.

Keıýananyń qos balasy atyna tartyp alǵan bul jalǵyz páter emes eken. Múgedek qyzyna memleket bergen baspanany da attaryna aýdaryp, satyp jibergen.

Sharasyz ana ádilet izdep, sotqa shaǵymdanǵan. Al  quzyrly organ ókilderi muny otbasylyq másele dep qaramaı, jyly jaýyp qoıǵan. Anasynyń bul áreketin estigen balasy habarlasyp, tipti qoqan-loqqy kórsetken.

« Ia vam prámo govorú, eslı vy eshe raz, kto-to ız vas napıshet býmagý, ıa Zaýreshke skajý, ona vyselet vas ız doma»,-dep telefon arqyly óz anasyn qorqytty  Aıtjamal ananyń týǵan balasy.

«Mama, ona vyselát ne býdet, ıa eı skajý chtoby ona etý kvartırý prodala. I vas býdýt vyselát drýgıe lúdı»,-dedi qaıyrymsyz ul týǵan anasyna.

«Men seniń qaıda baratynyńdy bilemin, sen úıde turmaýyń kerek, sen dalada turýyń kerek. Kak bıchtar sekildi deıdi maǵan. Sosyn men aıttym, qalaı men júremin. Meniń ómir boıy úıim boldy. Bálen bala tárbıeledim.

Meni ókimet dalaǵa tastaǵan joq. Seniń myna úıge eńbegiń sińdi ma? Sen álde maǵan aqsha berdiń ba deımin. Men seni oqyttym ǵoı, jetkizdim ǵoı, seniń maǵan istep otyrǵan raqmetiń osy ma deımin» – Aıtjamal Áshimova.

Kúndiz kúlkiden, túnde uıqydan aıyrylǵan baıqus ana, balalaryna qaıta habarlasyp endigi kúnim ne bolady dep suramaq bolǵan.

– Ma, che vam nado? Vy mne skajıte?

– Maǵan eshteńe de kerek joq. Kvartıramdy erteńnen bastap, ákep ber de, oformıt et. Bitti. Odan basqa senderden eshteńe trebovat etpeımin, kórmeseń de, kómektespeseń de óziń bil. Sáýle mynaý ol aýyryp otyr. Bir ret  oǵan kámpıt ákelip berdiń be? Men 3 ret operasıa jasaǵanda bir ret te kelmedińder.

-Davaıte sdelaem tak, seıchas ıa ne mogý razgovarıvat, davaıte po pozje pogovorım».

Sharasyz háldegi ana qyzyna da habarlasyp kórdi. Almady. Al,  4 balanyń anasyna úlken qyzy tynyshtyq berýge de ýáde etken eken. Anasy onyń sózinen taıqyp ketse qoldanamyn dep vıdeo taspaǵa da jazyp alǵan eken.

«Kvartırý mam ıa tebe verný. Vse./ Mame ıa verný. Mne chýjogo ne nado. Vot podojdı do 20-21 sentábrá» – deıdi qyzy.

Alaıda, jetesiz perzent bergen ýádesinde turmaǵan. Qazir ol sózinen aınyp, anasynyń úıin qaıtaramyn degen oıy da joq. Kerisinshe dalaǵa qýyp otyr.

Óz balalary ózekke tepken jan endi kimnen kómek suraryn bilmeı dal. Uly men qyzy óz attaryna aýdaryp alǵan baspanadan qýyp shyǵatyn bolsa, múgedek qyzyna týǵan nemeresimen qaıda baryp kúnelterin bilmeıdi. Bir sheti ózi qaraı almaǵan soń “múgedekter úıine ” ótkizgen qyzynyń da erteńine alańdaýly.