Memleket basshysy Nursultan Nazarbaevtyń tańdamaly eńbekter jınaǵy qytaı tilinde basylyp shyqty dep habarlaıdy Qamshy aqparattyq agenttigi 24.kz-ke silteme berip. Alty bólimnen turatyn kitapta Elbasy jarıalaǵan mańyzdy josparlar, 2030 jáne 2050 jyldardyń strategıalyq  baǵdarlamasy,«Bes ınstıtýsıonaldy reforma», «Ult jospary» jáne Halyqqa Joldaýy jınaqtalǵan. Sonymen qatar saıası, ekonomıkalyq, áleýmettik jáne syrtqy saıasattaǵy Prezıdenttiń baıandamalary da bar. Jınaqty shyǵarýǵa muryndyq bolǵan Reseı, Shyǵys Eýropa jáne Ortalyq Azıany zertteý ınstıtýtynyń dırektory Lı Iýnsúannyń aıtýynsha, kórshiles eki el basshysynyń dostyǵy qazaq-qytaı baılanysyn joǵary deńgeıge kóterdi. Sonyń nátıjesinde «Nurly jol» baǵdarlamasy men «Bir beldeý, bir jol» strategıasy  birin biri tolyqtyrdy. 

Lı Iýnsúan, Reseı, Shyǵys Eýropa jáne Ortalyq Azıany zertteý ınstıtýtynyń dırektory:  - Kitapty Marks pen Lenın shyǵarmalaryn qytaı tilinde sóıletip, Qytaı Tóraǵasy Sı Szınpınniń shyǵarmalaryn ózge tilge aýlarýǵa at salysqan ortalyq aýdarma  agenttigi jasady. Al Qytaıdyń eń yqpaldy «Halyq baspasy» shyǵarmalar jınaǵynyń jaryqqa shyǵarýǵa kómektesti. Elmizge belgili redaktorlar da eńbektendi. Sondyqtan bul qazirge deıin Qytaıda joǵarǵy deńgeıde jaryq kórgen kitaptardyń biri sanalady-dep atap ótti.