Ulttyq qaýipsizdik komıtetininń burynǵy basshysy Nartaı Dútbaevtyń qamaý merzimi uzartyldy, - dep habarlaıdy Tengrinews.kz. Dútbaevpen birge ustalǵan istiń ózge fıgýranttarynyń qamaýda otyrý merzimi uzartyldy. 

"Astana qalasy Esil aýdanynyń №2 soty kúdikti Nartaı Dútbaev, Nurlan Hasenov jáne Erlan Nurtaevtyń qamaý merzimin 2017 jyldyń 26 shildesine deıin uzartty", - deıdi Astana sotynyń baspasóz qyzmetiniń ókilderi. 

Aıta keteıik, bul tulǵalarǵa qatysty tergeý qupıa túrde júrip jatyr. Nartaı Dútbaevtyń ustalǵany týraly 2016 jyldyń 28 jeltoqsanynda belgili boldy. Ol kezde Ulttyq qaýipsizdik komıtetiniń ókilderi burynǵy basshyǵa qatysty tergeý júrip jatqanyn málimdegen. Nartaı Dútbaev, Nurlan Hasenov jáne Erlan Nurtaev "Memlekettik qupıany jarıa etý" jáne "Bılik pen qyzmettik ókildigin asyra paıdalaný" degen kúdikpen ustalǵan bolatyn. Kúdiktiler UQK-niń tergeý abaqtysyna qamaldy. 

Eske salaıyq, Nartaı Dútbaev Ulttyq qaýipsizdik komıtetin 2001 jyldyń jeltoqsanynan 2006 jyldyń aqpanynan deıin basqarǵan bolatyn.