Qazaqstandyq ánshi Dımash Qudaıbergen Qytaıdyń Hýnan provınsıasynda bolǵan sý tasqyny apatynan zardap shekkenderge aqshalaı kómek kórsetken edi. Bul jaǵdaıdy Dımash Qudaıbergenniń ákesi Qanat Aıtbaev joqqa shyǵardy dep habarlaıdy Qamshy aqparattyq agenttigi. Bul týraly Qanat Aıtbaev Facebook paraqshasynda jazdy.
"Men ózimiz jónindegi kóp jańalyqty baspasóz betinen bilemin… Dımash kórshi eldiń sý basqan aımaǵyna pálen mıllıon aýdarypty degendi de jarıalapty. Ár eldiń salty basqa — Dımashtyń ónerine tánti qytaılyq fırma óz jerlesterine kómektesip, bizdiń balanyń atynan qarajat aýdarypty. (Dımash ol deńgeıge ázir jete qoıǵan joq.) Bizge de, ózderine de jaqsylyq jasaǵysy kelgen bolar…", — dep jazǵan Qanat Aıtbaev jelidegi paraqshasynda.Belgili bolǵandaı, sý tasqynynan zardap shekkenderge qarajatty Dımashtyń atynan ánshiniń Qytaıdaǵy prodúserlik kompanıasy BG Talent aýdarǵan.
