Parlament Májilisiniń depýtattary, «Nur Otan» partıasy fraksıasy músheleri Ábdimanap Bekturǵanov, Erjan Qudaıbergen, Sáken Qanybekov, Mansurhan Mahambetov Ońtústik Qazaqstan oblysyna jumys sapary barysynda Qazyǵurt aýdanynda bolyp, birqatar kezdesýler ótkizdi dep habarlaıdy Qamshy aqparattyq agenttigi Qazaqstan Respýblıkasy Parlamenti Májilisiniń Baspasóz qyzmetine silteme jasap. 

Aýdan ákimdigi ǵımaratynda azamattardy jeke máseleleri boıynsha qabyldap, onda mektep jáne turǵyn úı salýǵa respýblıkalyq búdjetten qarajat qarastyrý, dinı ekstremızm jáne terorızm máselelerine, EGOV elektrondy úkimet portalynyń jumysy, aýyl ınfraqurylymyn damytý boıynsha máseleler qozǵaldy.

Osy kúni depýtattar aýdandaǵy Qyzylkıa aýyldyq okrýgindegi «Amankeldi» JSHS-nyń baý baqshasy jumysymen tanysty. Sharýa qojalyǵynyń 1000 gektardan astam egistik jeri bar. Onda alma, shabdaly, shıe, alhory jáne taǵy da basqa jemis-jıdek aǵashtary egilgen. Qojalyq ósimdik daqyldaryn ósirýmen qatar, qaıta óńdeýmen aınalysady (bıdaı, maqsary, jemis-jıdek jáne júzim). Óndiriste 250 azamat turaqty jumys jasaıdy.
 

Sholýshy: Ásem Álmuhanbet