Soltústik Qazaqstan oblysynyń ákimi Qumar Aqsaqalov óńirdiń aktıvine óziniń jańa orynbasaryn tanystyrdy dep habarlaıdy Qamshy aqparattyq agenttigi.
Qazaqstan Respýblıkasy Prezıdenti Ákimshiliginiń kelisimine oraı oblys ákiminiń ókimimen Jandarbek Dáýren Jandarbekuly Soltústik Qazaqstan oblysy ákiminiń ındýstrıalyq-ınnovasıalyq damý, ınvestısıalar tartý, kásipkerlik jáne týrızm boıynsha orynbasary bolyp taǵaıyndaldy.
Dáýren Jandarbekuly 1981jyly Jambyl oblysynyń Shý aýdanyndaǵy Lenın aýylynda týǵan. M.H.Dýlatı atyndaǵy Qazaq ekonomıka ýnıversıtetin, Qazaqstan Respýblıkasy Prezıdenti janyndaǵy Memlekettik basqarý akademıasyn ekonomıs, zańger, saıasattaný mamandyqtary boıynsha bitirgen. Dáýren Jandarbek áleýmettik bilim magıstri, qazaq , orys , aǵylshyn jáne túrik tilderin meńgergen
Eńbek jolyn 2004 jyly Almaty qalasy boıynsha Qazaqstan Respýblıkasy Tabıǵı monopolıalardy retteý jáne jáne básekelestikti qorǵaý agenttigi departamentiniń Básekelestikti qorǵaý jáne damytý bóliminiń jetekshi mamany bolyp bastady.
2005 jyldan 2015 jylǵa deıin bólimniń jetekshi mamanynan Qazaqstan Respýblıkasy Tabıǵı monopolıalardy retteý jáne jáne básekelestikti qorǵaý agenttigi departamentiniń basshysyna deıingi joldan ótti.
2015-2016 jyldary – Eýrazıa ekonomıkalyq komısıasynda memlekettik satyp alý salasynda saıasat básekelestigi jáne saıasat departamenti dırektorynyń orynbasary qyzmetin atqardy.
2016 jyldan osy taǵaıyndaýǵa deıin Eýrazıa ekonomıkalyq komısıasynda memlekettik satyp alý salasynda saıasat básekelestigi jáne saıasat departamenti dırektory bolyp eńbek etti.
Oblys ákimi Qumar Aqsaqalov Dáýren Jandarbekke jańa qyzmetinde jetistik tilep, óńirde jeke ınvestısıany tartý jáne kóbeıtý boıynsha jumysty jandandyrýdy tapsyrdy.
«Bizdiń mol ınvestısıalyq múmkindigimiz bar. Ásirese Reseı Federasıasymen jáne Qytaımen birlese is-áreket etýge erekshe kóńil aýdarý kerek. Sonymen birge toqtap turǵan kásiporyndar qyzmetin jandandyrý boıynsha jumysty kúsheıtý qajet. Ónerkásiptiń negizgi salalary jumysyn qolǵa alý kerek. Onyń ishinde – aýyl sharýashylyǵy mashınalaryn jasaýdy. Árbir aýdanda ındýstrıalyq-ınnovasıalyq jobalar bolýǵa tıis», – dedi Qumar Aqsaqalov.
