26 maýsym men 2 shilde aralyǵynda Ispanıanyń Malaga qalasynda ótken Dúnıejúzilik HHI sporttyq transplant-oıyndarynda Qazaqstan quramasy altyn medal ıelendi dep habarlaıdy Qamshy aqparattyq agenttigi. Dúnıejúzilik transplant-oıyndarynda birinshi oryndy boýlıńten áıelder arasynda Gúlmıra Smaılova jeńip aldy. Qazaqstan quramasynan 6 sportshy júzý, ústel tenısi jáne boýlıń boıynsha jarysqa tústi. Ispanıada ótken Dúnıejúzilik XXI sporttyq transplant-oıyndaryna donorlyq organdary bar sportshylar qatysqan bolatyn. Komanda kapıtany Jánibek Ospanov Qazaqstanda tuńǵysh júrek transplantasıasyn jasatqan azamat. Al altyn medal ıegeri Gúlmıra Smaılova Ortalyq komýnıkasıalar qyzmetindegi baspasóz konferensıada
-Transplantasıa jańa ómir syılady, operasıadan keıin ekinshi tynysym ashylyp, buryn bolmaǵan sýret salýǵa qabiletim oıandy,- dedi.
Halyqaralyq jarysta Qazaqstan quramasy tuńǵysh ret baq synady. Sportshylar transplantasıadan keıingi Sporttyń ulttyq federasıasyn qurýǵa nıetti. Federasıany qurý ǵylymı zertteýlerge serpin beredi, transplantasıanyń tanymaldylyǵyna yqpal etedi.
