Bes jylda elimizde elýden astam naýqasqa júrek transplantasıasy jasalǵan dep habarlaıdy Qamshy aqparattyq agentti. Bul týraly Ortalyq komýnıkasıalar qyzmetindegi baspasóz konferensıada «Ulttyq ǵylymı kardıohırýrgıa ortalyǵy» AQ basqarma tóraǵasy Iýrıı Pá málimdedi. Transplantasıa tarıhy osydan 50 jyl buryn Afrıka elderinde bastalǵanyn eskersek Qazaqstan medısınasy sońǵy bes jylda jańa tehnologıalardy paıdalanyp, túrli aǵzaǵa transplantasıa jasaı bastaǵan. Dárigerdiń aıtýynsha búginde júrek donoryn kútip júrgen 70 qazaqstandyq bar. Iýrıı Pá múshesin aýystyrý kezegi kelgenshe baqılyq bolyp ketetin naýqastar týraly da aıtyp ótti. «Halyqqa túsindirý jumystaryn durys júrgize alsaq, ekinshi ómir syılaýǵa múmkindik bolar edi», - deıdi ol.
QR DSM medısınalyq járdem uıymdastyrý departamenti dırektorynyń orynbasary Tastanova Aıgúldiń 2017 jylǵy statıskalyq málimeti boıynsha 2 860 adam búırek, 526 adam baýyr jáne 10 naýqas ókpe transplantasıasynyń kezeginde tur.
Sholýshy: Ásem Álmuhanbet
