Pavlodarda eki jasar bala kópqabatty úıdiń terezesinen qulap, mert boldy, - dep habarlaıdy  Qamshy aqparattyq agenttigi Tengrinews.kz saıtyna silteme jasap. Qaıǵyly oqıǵa 4 shildede shamamen keshki saǵat 21.00-de Hımgorodka yqshamaýdanynda bolǵan.

Kýágerlerdiń aıtýynsha, eki jasar bala 6-qabattyń terezesinen qulap ketken. Ol shybyn-shirkeı torymen birge qulap, úıdiń aldyndaǵy asfáltqa baryp túsken. Kórshilerdiń aıtýynsha, mert bolǵan balanyń anasy sol kezde jumysta bolǵan. Al bala úıde ájesimen birge bolǵan.

"Ulym meni jumystan kútip, qaraılap otyrǵan ǵoı", - deıdi qaza bolǵan balanyń anasy.

Oqıǵa ornyna kelgen polısıa qyzmetkerleri sol aýmaqty qorshaýǵa aldy. Qazirgi ýaqytta olar oqıǵanyń mán-jaıyn anyqtap jatyr.

Aıta keteıik, bul Pavlodarda jyl basynan beri bolyp otyrǵan tórtinshi qaıǵyly jaǵdaı. Barlyq jaǵdaıda balalar shybyn-shirkeı toryn ustaımyn dep qulap ketken.