Júregine transplantasıa jasatqan otandastarymyz Ispanıanyń Malaga qalasynda ótken XXI Dúnıejúzilik transplant oıyndarynan altynmen oraldy.Bul týraly Qamshy aqparattyq agenttigi habarlaıdy.
Boýlıń jarysyna qatysqan Gúlmıra Smaılova 16 qarsylasyn qapy qaldyrǵan. Sondaı-aq jeńimpazdyń operasıadan keıingi ómiri ózgerip, sýret salýǵa qulshynysy artqan. Medısınalyq kómek kórsetken abzal jandarǵa degen alǵysy da sheksiz. Komandanyń ózge de músheleri júzýden jáne ústel tenısinen jaqsy nátıjeler kórsetip, jalpy esepte quramamyz úzdik úshtikke engen.
Aıta keteıik, álem boıynsha adam aǵzasy donorlarynyń qaı kezde de tapshy ekeni belgili. Ortalyq komýnıkasıalar qyzmetinde esep bergen dárigerlerdiń deregine súıensek, elimiz boıynsha 10 adam ókpege, 526-sy baýyryna, 2 myń 800-i búıregine transplantasıa jasatý kezeginde tur. «Ulttyq ǵylymı kardıohırýrgıa ortalyǵy» aksıonerlik qoǵamynyń basqarma tóraǵasy Iýrıı Pányń aıtýynsha, azamattar arasynda donorlyq mádenıetti qalyptastyrý qajet.
Aıta keteıik, Qazaqstanda júrek transplantasıasy kezeginde 135 adam tirkeýde tur.
Sholýshy: Aıgerim Taýbaı
