Oralda jertólede tastalǵan balanyń ákesi bary anyqtaldy. Arman esimdi jigit resmı hat jazyp balasyn ózine qaıtarýdy suraǵan. Bul týraly Qamshy aqparattyq agenttigi "Ýralskaıa nedelá" basylymyna silteme jasap habarlaıdy.
Balanyń ákesi Arman 29 jasta ol Tengız aýylynda jumys istep júrgen. Armannyń aıtýy boıynsha ol áıel bosanǵan kezde qasynda bolǵan. Alaıda áıel perzenthanadan shyǵar kezde óz týystarynyń úıine ketetindigin aıtqan.
Balanyń anasy qazirgi ýaqytta psıhıkalyq densaýlyq ortalyǵynda emdelip jatyr. Balanyń densaýlyǵyna eshqandaı qaýip tónip turǵan joq.
«Arman balanyń bıologıalyq ákesi ekenin dáleldeý kerek. Ol úshin bala anasynyń málimdesi jetkilikti bolady»-deıdi quzyrly organdar.
Balanyń ákesiniń aıtýy boıynsha ol óziniń eki aptalyq balasynyń tastalǵanyn ınternetten kórip oqyǵan.
Eske salsaq, 26 maýsymda Oralda jertólede sábı tabylǵan bolatyn. Polısıa tastandy balanyń anasynyń jeke basyn anyqtaǵan. Ol 21 jastaǵy esh jerde jumys istemeıtin, oqymaıtyn jergilikti turǵyn bolyp shyqqan. Qylmystyq iske qatysty balasyn tastaǵan ana jazaǵa tartylatyn bolady.
