Ilá Pánzın esimdi Qazaqstan týmasy 2013 jyly sol ýaqyttaǵy Reseı premer-mınıstri Vladımır Pýtınge shabýyl jasamaqshy bolǵan. Endi ol raqymshylyq surap otyr dep habarlaıdy Qamshy aqparattyq agenttigi Kommersant gazetine silteme jasap. Ilá Pánzın óziniń sol kezdegi maqsaty aqymaqtyq bolǵanyn jáne dáleldenbegen qylmys ekenin aıtqan.
2012 jyldyń qańtar aıynda úsh adamnan quralǵan ekstremıstik topty polısıa jolyn kesken. Olar – Sheshenstan týmasy Osmaev, Rýslan Madaev jáne Qazaqstan týmasy Ilı Pánzın. Aty atalǵan úsh er adam Odessadaǵy páterlerdiń birinde shabýylǵa bomba daıyndaǵan. Ol kezdeısoq iske qosylǵan. Madaev sol jerde kóz jumdy. Al birinshi bolyp ustalǵan Pánzın Ýkraınanyń qaýipsizdik qyzmetine sybaılastarymen birge Pýtınge jáne Sheshenstan prezıdenti Ramzan Qadyrovqa shabýyldaý úshin jarylǵysh zat jasaǵanyn aıtqan.
Kommersant basylymynyń jazýynsha, qujat Samarqand oblysy gýbernatory janyndaǵy raqymshylyq jasaý máseleleri boıynsha komısıaǵa berildi.
Sholýshy: Ásem Álmuhanbet
