Azamattar erkindigi amerıkalyq odaǵy (ACLU) atalatyn quqyqqorǵaý organy AQSH prezıdenti Donald Trampty, vıse-prezıdent Maık Pensti jáne ádil saılaý komısıasyn sotqa berdi, dep jazady Qamshy aqparat agenttigi. Uıymnyń baspasóz qyzmeti málim etkendeı, zańnamanyń buzylýy men komısıa jumysynyń durys atqarylmaǵany basty sebep bolǵan.

Tramp saılaýdan keıin prosestiń alaıaqtyqqa toly ótkenin málimdep, tergeý jumystaryn júrgizýge ýáde bergen eken. Alaıda óz sózinde turmaǵan. Sondaı-aq, Tramp onyń saılaýdaǵy qarsylasy Hılları Klıntonǵa daýys bergenderdiń kóbin ımmınranttar dep,  olardy «óli jandarǵa» balady.

«Aıyptalýshylar eki jaqty Federaldyq konsýltatıvtik komıtetiniń aktisin buzǵan», - delingen málimdemede. «Pens pen Kobachtyń (Krıs komısıasynyń orynbasarlary) komısıasy jabyq túrde alǵashqy jınalystaryn ótkizdi».

ACLU komısıadan Federaldyq konsýltatıvtik komıtetiniń aktisin buzǵany jóninde moıyndaýdy talap etedi, sondaı-aq bolashaqta qatań baqylaýǵa alynýyn kózdeıdi. 

Sholýshy: Gúlim Jaqan