Búgin bilim granttary ıegerleriniń tizimi jarıa etildi. Bul týraly búgin Ortalyq komýnıkasıalar qyzmetindegi baspasóz máslıhatynda QR Bilim jáne ǵylym vıse-mınıstri Bıbigúl Asylova málim etti, dep habarlaıdy Qamshy.kz aqparat agenttigi.

Bilim granttary ıegerleriniń tizimi myna siltemede.

«Sońǵy 5 jyl ishinde alǵash ret joǵary jáne joǵary oqý ornynan keıingi bilimi bar kadrlardy daıarlaýǵa arnalǵan memlekettik bilim berý tapsyrysynyń kólemi ósti. Ótken oqý jylymen salystyrǵanda bakalavrıat 6 230 orynǵa kóbeıdi. Osylaısha 2017-2018 oqý jylyna bilim granttarynyń sany 37 932 grantqa deıin ósti», –  dedi vıse-mınıstr.

Onyń ishinde, 35 082 grant 1 kýrsqa qabyldaý úshin (kúndizgi oqý nysany boıynsha –  34 782, syrttaı oqý nysany boıynsha – 300 grant), 2 850 oryn –  joǵary oqý oryndarynyń daıyndyq bólimderi úshin bólindi.

Bul rette memlekettik bilim berý tapsyrysyn ornalastyrýǵa jiberilgen joǵary oqý oryndarynyń tizimi keńeıtilgen. Bilim grantyn taǵaıyndaý konkýrsyna 63 169 adam qatysty. Onyń ishinde 49 858 adam –  qazaq tilindegi oqý bólimine, 13 311 adam –  orys tilindegi oqý bólimine tapsyrǵan.

«Búgin mınıstrliktiń jáne Ulttyq testileý ortalyǵynyń resmı saıtynda bilim granttary ıegerleriniń tizimi jarıa etiledi. Sonymen qatar 14 tamyzda respýblıkalyq «Egemen Qazaqstan» jáne «Kazahstanskaıa pravda» gazetterinde jarıalanatyn bolady», –  dedi B.Asylova.