Ortalyq Komýnıkasıalar Qyzmetinde Astana qalasy bilim berý mekemeleriniń jańa oqý jylyna daıarlyǵyna arnalǵan baspasóz konferensıasy ótti dep habarlaıdy Qamshy.kz aqparat agenttigi. Oǵan Astana qalasy Bilim basqarmasy Basshysynyń mindetin atqarýshy Anýar Jangozın, Astana qalasy Bilim basqarmasy  basshysynyń orynbasary Gýljan Aıtjanova jáne Astana qalasy Bilim basqarmasy, kámeletke tolmaǵandardyń  quqyqtaryn qorǵaý bóliminiń basshysy  Lázzat Orynbasarova qatysty.

Búgingi tańda Astana qalasynyń bilim berý júıesi 422 mekemeni qamtıdy:

- mektepke deıingi tárbıe men oqytý – 264;

- jalpy orta bilim berý  – 95, Nazarbaev Zıatkerlik mektepteri (3 mektep), Respýblıkalyq fızıka-matematıka mektebi;

- tehnıkalyq jáne kásiptik bilim berý – 34;

- arnaıy bilim berý – 13

- qosymsha bilim berý - 12.

 Qazirgi tańda qalada 264 mektepke deıingi mekeme qyzmet atqarady. Sonyń ishinde – 97 memlekettik, 2 vedimistik, 116 jekemenshik balabaqshalar jáne 49 shaǵyn ortalyq.

Qala boıynsha 3-6 jas aralyǵyndaǵy balalardy mektepke deıingi daıyndyqpen 70,6 paıyzǵa qamtamasyz etilýde. Bul byltyrǵy kórsetkishterge qaraǵanda 5,7% artyp otyr. Atalmysh kórsetkishter ótken jyly jańadan salynǵan 440 oryndy qamtıtyn 2 balabaqshanyń, Ulttyq kompanıamen kelisimshart aıasynda ashylǵan 240 oryndy qamtıtyn 1 balabaqsha jáne 3949 oryndy qamtıtyn 44 jekmenshik balabaqshalardyń ashylýynyń arqasynda ulǵaıyp otyr.

 Astana qalasynyń ákimdiginiń qoldaýymen memlekettik tapsyrys 15 900 teńgeden 23 000 teńgege kóbeıip, ata-analar tólemaqysy 23 myń teńgeden 20 myń teńgege deıin azaıdy. Óz kezeginde bul kásipkerler úshin jekmenshik balabaqshalar ashýdaǵy qyzýǵyshylyǵyn artty.

Bıyl 480 oryndy qamtıtyn 2 memlekettik balabaqsha, Ulttyq kompanıalarmen ornatylǵan kelisimshart negizinde salynǵan 720 oryndyqamtıtyn  úsh balabaqshanynyń tapsyrylýy josparlanǵan. Qazirgi tańda memlekettik-jekemenshik áriptestik sheginde 2019 jyly tapsyrylatyn 1680 oryndy qamtıtyn 6 balabaqshanyń qurylysy iske asyrylýda.

            Sonymen qatar qalalyq kásipkerler úshin júıeli túrde ashyq esik kúnderi uıymdastyrylady. 2017 jyly 5 myńnan astam oryndy qamtıtyn memlekettik tapsyrysy bar jekemenshik balabaqshalardyń ashylýy josparlanyp otyr. Jyl saıyn shamamen 8 000 oryndy qamtıtyn balabaqshalardy ashý kózdeledi. Osylaısha 2019 jyldyń sońyna deıin balalardy mektepke deıingi daıyndyqpen 100 paıyzǵa qamtamasyz etý jospary júzege asyrylmaq.

            Elordamyzda búgingi tańda 95 jalpy orta bilim beretin mektepter bar. Onyń 84-i memlekettik bolsa, 11 jekemenshik bolyp sanalady.

            Jańa 2017-2018 oqý jylynda birinshi synypqa keletin balalar sany 23 myń adamdy quraıdy. Óz kezeginde bul boljam boıynsha oqý oryndarynyń tapshylyǵyn kózdeıdi.

Bul máselesi sheshý maqsatynda 2017-2018 oqý jylynyń basyna qaraı qalalyq 5 mektepke qosymsha qurylys janamalary salynyp otyr. Qazirgi ýaqytta 10 mekteptiń qurylysy josparlanǵan. Onyń altaýy búgingi tańda iske asyrylyp, qalǵan tórteýiniń qurylysy jyldyń aıaǵyna deıin bastalmaq.

            Ótken oqý jylynda oqý úrdisin uıymdastyrý barysynda qalalyq mektepterdiń barlyq birinshi synyptary (19132 oqýshy, 683 synyp) jańartylǵan bilim berý mazmunyna kóshti.

2017-2018 oqy jylynda 1,2,5,7 synyptar jańartylǵan baǵdarlama boıynsha oqıdy, onda 4149 muǵalim sabaq beretin bolady. Olardyń 3122  (75%) muǵalimi kýrstardan ótti. 2017 jyldyń sońyna deıin jańartylǵan baǵdarlama boıynsha 156 bastaýysh synyp muǵalimi jáne 787 pán muǵalimderi biliktilikti arttyrý kýrstarynan ótedi. 

Mektepterde jaratylystaný-matematıkalyq pánderdi aǵylshyn tilinde berý kózdelgen (99 muǵalim sabaq beredi), sonymen qatar 25 mektepte kóptildilik oqytý tehnologıasy sátti engizilip otyr (qazaq, orys jáne aǵylshyn tilinde sabaq berý). 19 mektepte 2 sheteldik tilde sabaq berý júzege asyp otyr.

Oqýshylardy sapaly oqýlyqtarmen tolyǵymen qamtamasyz etý tapsyrmasy júzege asyrylyp otyr. Oqýshylar arasynda aǵylshyn tili daǵdylaryn damytý maqsatynda mektep kitaphanalary alǵash ret qosymsha ádebıetpen qamtamasyz etiledi.

Mektepterdiń barlyǵy 100 paıyz ınternet jelisine qosylǵan. Bıyl 46 mektepte robototehnıka kabınetteri ashylatyn bolady.

Qazirgi tańda 34 kolejde (12-memlekettik, 22 - jekemenshik) 66 mamandyq pen 113 kvalıfıkasıa boıynsha bilim berý kózdelgen. Astana qalasy boıynsha teznıkalyq jáne kásiptik bilimmen 26 262 adam qamtamasyz etilýde. Bul 15-20 jas aralyǵyndaǵy jastar.

2017 jyldan bastap «Barshaǵa arnalǵan tegin kásiptik tehnıkalyq bilim berý» jobasy aıasynda 4757 adam qamtamasyz etiledi. 18 kolejde Bilim basqarmasy, Kásipkerler palatasy men jumys berýshiler arasyndaǵy kelisimshart sheginde dýaldy oqytý men jumys oryndarynda tájirıbe alý qarastyrylǵan. Jańa oqý jylynda taǵy toǵyz kolej negizinde engizý josparda bar. 1000-nan astam stýdent dýaldy oqytýmen qamtamasyz etilgen.

Bilim mekemelerinde ashyqtyq saıasatyn ornatý maqsatynda mektepterde Qamqorshylyq keńester quryldy. Qalalyq ata-analar men qalalyq muǵalimder qaýymdastyǵynyń keńesteri óz jumysyn bastaıdy.

Sáýir aıynda Astana qalasynda orta bilim berý uıymdaryndaǵy mindetti mektep formasyna qoıylatyn biryńǵaı talaptary engizildi. Forma túsi - qoıý kók, klasıkalyq úlgide. Bir tústi mektep formasyna kezeń-kezeńimen kóshý josparlanyp otyr.

Sońǵy úsh jyl aıasynda 14 ǵımarattyń kúrdeli jóndeý jumysy jasaldy. Qalǵan mekemelerde aǵymdaǵy máselelrdi sheshý maqsatynda remonttyq jumystar júrgizildi. Tamyz aıynyń 20 juldyzyna deıin barlyq mekemeler jylytý maýsymyna daıar bolady.