AQSH-tyń Tehas shtatynda ornalasqan Húston qalasynda sý tasqyny bolyp jatyr. Nátıjesinde 2000 adam qaýipsiz jerge shyǵaryldy. Sý tasqynyna "Harvı" daýyly sebep bolǵan dep habarlaıdy Qamshy.kz aqparat agenttigi Bı-bı-sı málimetine súıenip.
Atalǵan shtattyń basqa da aýdandarynda nóser jaýyn quıyp tur. Ulttyq meteorologıalyq qyzmettiń málimeti boıynsha, qala aýmaǵynda tótenshe jaǵdaı jarıalanǵan, munda kólik qatynasy qıyndap ketken.
Sondaı-aq, bes adamnyń qaza tapqany týraly derek bar. Alaıda ázirge tek 2 adamnyń qazasy naqtylandy.
Gýbernator Greg Ebbottyń sózinshe, qalaǵa 50 sm jaýyn-shashyn túsken. Odan bólek 40 sm jaýyn-shashyn túsýi yqtımal. Qutqarýshylardyń jumysyn qatty jel tipten qıyndatyp jibergen. Oǵan qosa myńdaǵan adam jaryqsyz qalǵan.
