Bir aıda dúnıege kelgen adamdardyń qaıtkende de bir uqsastyqtary kezdesip jatady. Sondyqtan áıelderdiń minez-qulqyna, bolmysyna, týǵan aıyna qatysty qyzyqty aqparattar legin Qamshy.kz aqparat agenttigi nazarlaryńyzǵa usynady. Siz qaı aıda dúnıe esigin ashtyńyz?
Qańtar
Jyldyń alǵashqy aıynda týǵan qyzdar aıtqanynan qaıtpaıtyn, batyl bolyp keledi. Óz sezimin syrtqa jaıǵandy unatpaıdy. Barlyq nársege synı kózben qaraıdy. Jáne ózimen ıntelektýaldy dárejesi birdeı, pikirin qoldaıtyn adamdarmen qarym-qatynas jasaǵandy qalaıdy.
Aqpan
Romantıkany súıetinder. Olarmen tildeskende sizge erekshe tózim qajet bolady. Kóńil-kúıleri jıi qubylatyndyqtan, bul toptaǵylardy túsiný sál qıyndaý. Al satqyndyq jasaıtyn bolsańyz, ony budan bylaı kórmeısiz!
Naýryz
Erekshelik pen súıkimdiliktiń saltanaty. Bul aıda dúnıege kelgender ózderine óte senimdi jandar. Eńbeksúıgishter. Olar siz renjitip, kóńiline tıgenge deıin súıkimdilikterin saqtaı biledi. Jalpy naýryzda týǵandarmen birge ómir súrý – bir ǵanıbet.
Sáýir
Kópshil. Kez kelgen adammen ońaı til tabysyp ketedi. Ásirese súıikti adamymen. Biraq qyzǵanshaqtyq qasıeti de bar. Senimine kirgen jandardy qadirleı biledi, oǵan bar syryn aqtaryla aıtady. Negizi sáýirde týǵan qyzdar óz jartylaryn álemdegi baqytty janǵa aınaldyra alady.
Mamyr
Mamyr – áıelderdiń aıy. Bul kezde týǵandar turaqtylyq pen ustamdylyq qasıetterine ıe. Sondaı-aq, kóztartarlyq sulýlyǵy da bar. Minezderi óte jumsaq. Azdap erinshektigi bolýy múmkin. Biraq olarǵa kezikken erler – joly bolǵysh.
Maýsym
Shyǵarmashylyq arýlary. Jańa nárselerge únemi qyzyǵyp júredi. Bir kemshiligi – aldymen sóılep, sodan soń baryp oılanady. Biraq olar syrtyńnan sóz tasymaı, shyndyqty osylaı betke aıtady. Aıtpaqshy, jigitter bul arýlardan saq bolǵany jón. Óıtkeni olardy op-ońaı oıynshyǵyna aınaldyryp ala alady.
Shilde
Jazdy, jalpy jyldyń ortasynda dúnıege kelgen arýlar óte adal, sulý, aqyldy ári óte jumbaq bolyp keledi. Aıqaı-shýdy, urys-keristi jaqtyrmaıdy. Oǵan ótirik aıtpańyz. Bir ret aldaımyn dep bul aıda týǵan jaqynyńyzdan, dosyńyzdan aıyrylyp qalýyńyz múmkin.
Tamyz
Óte qyzyq jaratylys ıeleri. Boıynda egoıstik qasıet te, jomart júrek te bar. Olarmen urysýdyń qajeti shamaly. Óıtkeni báribir jeńilip qalasyz. Sondaı-aq, ázil-qaljyńǵa jaqyn keledi. Únemi jurttyń nazarynda bolǵandy unatady. Erkekterdi birden baýrap alatyn qabiletke ıe.
Qyrkúıek
Bul kezeńde meıirimdi, erekshe jandar dúnıege keledi. Ózine satqyndyq jasaǵandardy keshirmeıdi. Eger oǵan aýyr tıer is-áreket jasasańyz, sizden kek qaıtarýy múmkin. Olar bir kúndik ýaqytsha qarym-qatynasty emes, uzaq, turaqty qatynasty baǵalaıdy. Eger jeńil-jelpi oıyńyz bolsa, qyrkúıekte týǵan arýlarǵa jaqyndamaı-aq qoıyńyz.
Qazan
Aqyldylar. Óte myqty minez ıeleri. Kópshilik aldyna shyqqandy unatpaıdy. Kez kelgenge aqtarylyp, syryn asha bermeıdi. Ár isti oılanyp, aqylǵa salyp baryp jasaıdy. Janyndaǵylarǵa kóp jaǵdaıda onyń qyzǵanshaqtyǵy unamaıdy.
Qarasha
Ózgelerden únemi bir qadam alda júredi. Ony ózderi baıqamaýy da múmkin. Óıtkeni olar jasaǵan is-áreketterine maqtanyp, bárine kórsetýdi kózdemeıdi. Ótirikti birden baıqaıdy. Eger shyndyqty bilgińiz kelse, qarashada týǵan bıkeshterdiń pikirin tyńdańyz.
Jeltoqsan
Jeltoqsanda shydamsyz, kúıgelekter dúnıege keledi eken. Kez kelgen tyǵyryqtan shyǵar joldy ońaı taýyp ketedi. Bylaısha aıtqanda «sýdan qurǵaq shyǵady». Olar ózderi ǵana sergek júrmeı, ózgelerdiń de kóńil-kúıin kóterip júredi. Ómirinde kóptegen kedergige tap bolýy múmkin, biraq sońynda keremet jeńiske qol jetkizedi.
