Atyraý oblysynyń prokýrory Ernat Sybanqulovtyń habarlaýynsha, shamamen saǵat 20.30-da Maqataı aýdany İİB Maqat aýylynan 5 jastaǵy ul men 4 jasar qyz (olardyń analary ápkeli-sińlili) joǵalǵany týraly habarlama túsken dep jazady Qamshy.kz aqparat agenttigi.

Jergilikti polısıa izdestirý jumysyn bastady. Keıinirek jaqyn mańdaǵy aýdan polısıalary, ákimshilik qyzmetkerleri jáne eriktiler izdestirý jumystaryna qosyldy.

Keshki saǵat 10.00-de K. esimdi kámeletke tolmaǵan bala 5 jasar ul men 4 jasar qyzdy osy aýyldyń «Telemunara» aımaǵynda kórgeni týraly habar tústi.

Shamamen 22.00-de balalar beıtanys áıelmen taksıge otyrǵanyn kórgen kýágerler tabyldy. 

«Balalar tańǵy 4-te turǵylyqty jerinen 150 sharshy shaqyrym qashyqtyqta ornalasqan Jylyoı aýdanynyń Qulsary qalasynda tabyldy» dedi oblys prokýrory.

Olardy beıtanys áıel alyp ketken. Balalardyń densaýlyǵyna zıan kelmegen. Qylmystyq kodekstiń 125 baby (adam urlaý) boıynsha sotqa deıingi tekserý jumystary júrgizilip jatyr.