Turǵyn úı-kommýnaldyq sharýashylyǵy men jylý-elektr kesheni uıymynyń resmı ókili Ian Gırın Almatyda jyly taratý qashan júzege asatynyn aıtty dep habarlaıdy Qamshy.kz aqparat agenttigi.
«Arnaıy normatıvter bar. Eger aýa temperatýrasy 3 táýlik boıy 8 selsı gradýs jáne odan tómendi kórsetetin bolsa, sol kezde jylý beriletin bolady»-deıdi Gırın.
Onyń sózinshe jylý qazandyqtary jumysqa daıyn.
«Keıde adamdar kún sýyq bolǵan soń jylý qosýdy suraıdy. Alaıda kún jylyp ketken soń jylýdy qaıta óshirýdi surap, bizdi áýrege salady. Sebebi bul qosyp-óshire salatyn, bir saǵatta isteı salatyn jumys emes»-deıdi ol.
Kazgıdromet aýa raıynyń aıdyń sońyna deıin +15,+14 gradýsty saqtap turatynyn málimdegen.
Naqtyraq aıtqanda, qutqarý qyzmeti jylytý maýsymyna daıyndyq barysynda jeke sektorlardaǵy órt qaýipsizdigin teksermek.
Óıtkeni megapolıstegi Alataý, Túrkisib, Jetisý aýdandaryndaǵy jeke turǵyn úılerdiń deni kómirmen jylytylady. Sondyqtan ondaǵy órt qaýipsizdigi nazardan tys qalmaq emes.
«Jylytý maýsymynan keıin adamdar murjalardy tazartpaıdy, plıtalaryn aýystyrmaıdy sondyqtan, kóp jaǵdaıda ys tıip jatady», - dedi Almaty TJD basqarma basshysy Marat Bekbaev.
Osyǵan baılanysty qutqarýshylar men polısıa qyzmetkerleri 15 qyrkúıek pen 15 qazan aralyǵynda turǵyn úılerdi aralap, órttiń shyǵýyna órt qaýipsizdiginiń saqtalmaýy sebep bolsa, 5 AEK kóleminde aıyppul salynatynyn eskertip shyqpaq.
Energetıkter ortalyqtandyrylǵan jylytý júıesine qosylǵan almatylyqtarǵa jylý ýaqytynda beriletinin aıtyp otyr.
Alaıda, sala mamandary jylytý qurylǵylaryna jóndeý jumystary áli aıaqtalmaǵanyn jetkizdi.
Aıta keteıik, Almatynyń energetıka jelilerine jaýapty kompanıa men «KEGOK» AQ arasynda birlesken jóndeý jumystaryn júrgizý kestesi ázirlengen bolatyn. Bekitilgen kestege sáıkes, 2017 jyly «Almaty elektr jelileri» AQ JEO-1, JEO-2, JEO-3 jáne Batys jylý kesheni men Qapshaǵaı SES, Kaskad SES boıynsha 69 negizgi qurylǵyǵa jóndeý jumysyn júrgizýi qajet. Onyń ishinde 20 energetıkalyq qazandyǵy men 13 týrboagregat, 19 sý ysytý qazandyǵy men 17 gıdroagregatqa jóndeý júrgizilýi qajet bolǵan. Energojelisine jaýapty kompanıa buǵan alańdaýdyń qajeti joq ekenin jetkizdi.
Sala mamnadyrynyń aıtýynsha, jylýty merzimine deıin barlyq jóndeý jumystary aıaqtalady.
«Energoqurylǵylardy jóndeýge 4 mlrd teńge jumsalady. 2017 jyldyń 25 qyrkúıegindegi ahýal boıynsha 59 qurylǵy jóndeýden ótkizilip, jumystyń 86 paıyzy aıaqtaldy. Qazirgi ýaqytta 6 negizgi jáne kómekshi qurylǵyny jóndeý júrgizilip jatyr. JEO-larǵa 2017 jyly otyn jetkizý boıynsha kelisimshart jasalyp qoıǵan», - dedi «Almaty jylý jelileri» AQ basqarma tóraǵasynyń orynbasary, óndiris boıynsha bas ınjener Ǵazı Ismuhambetov.
