Atyraý oblysynyń ákimi Nurlan Noǵaevqa «Batys Qazaqstan oblysynyń qurmetti azamaty» ataǵy berildi, dep habarlaıdy Qamshy.kz aqparat agenttigi ákimniń baspasóz qyzmetine silteme jasap.

Bul usynys Batys Qazaqstan oblystyq máslıhatynyń kezekten tys XIII sesıasynda qaralyp, ony máslıhat depýtattary biraýyzdan qoldady.

«Qurmet» jáne «Parasat» ordenderimen marapattalǵan Nurlan Noǵaev 2007-2016 jyldary Batys Qazaqstan oblysy ákiminiń birinshi orynbasary, oblys ákimi qyzmetterin atqarǵan, 2016 jyldyń naýryzynan beri Atyraý oblysynyń ákimi.

Aıta ketelik, máslıhattyń osy sesıasynda «Batys Qazaqstan oblysynyń qurmetti azamaty» ataǵy UOS ardageri «II dárejeli Uly Otan soǵysy», «Eńbek qyzyl tý», «Qurmet belgisi», «Qurmet» ordenderimen qatar «Batyrlyǵy úshin», «Germanıany jeńgeni úshin», «Stalıngradty qorǵaǵany úshin» medaldarynyń ıegeri Muhtar Ájiǵulovqa, alashqa tanymal aqyn Aqushtap Baqtygereevaǵa, belgili qazaq alpınısi, QR álpınıser quramynyń kapıtany, «Qurmet» ordeniniń ıegeri Maqsot Jumaevqa da berilsin degen sheshim qabyldandy.