Búgin Aýyl sharýashylyǵy vıse-mınıstri Erlan Nysanbaevtyń qatysýymen Orman sharýashylyǵy jáne janýarlar dúnıesi komıtetiniń aýmaqtyq bólimsheleri men vedimistik baǵynystaǵy uıymdarynyń qyzmetine ishki baqylaý jasaý jónindegi jedel toptyń jumysy týraly brıfıń ótti, dep habarlaıdy Qamshy.kz aqparat agenttigi ASHM baspasóz qyzmetine silteme jasap.
Jedel toptyń negizgi mindetteri orman sharýashylyǵy jáne erekshe qorǵalatyn tabıǵı aýmaqtardy qorǵaý jáne paıdalaný salasyndaǵy memlekettik baqylaý men qadaǵalaýdy uıymdastyrý jáne júzege asyrý jónindegi qyzmetine ishki baqylaý jasaý, sondaı-aq qajet bolǵan jaǵdaıda olardyń laýazymdy tulǵalary tarapynan osy salalarda jasalǵan quqyq buzýshylyqtardy anyqtaý bolyp tabylady.
Brıfıń barysynda E. Nysanbaev jedel toptyń quramy Qazaqstan Respýblıkasy Premer-Mınıstriniń orynbasary - Aýyl sharýashylyǵy mınıstri A. Myrzahmetovpen qurylǵanyn ári bekitilgenin atap ótti.
Jedel top 12 adamnan turady. 4 joǵarǵy ótkishti avtokólikpen, zamanaýı baılanyspen, seriktik baılanysty qosa alǵanda, nysandy kıimmen jáne tabeldik qarýmen jabdyqtalǵan.
Sonymen qatar, laýazymdy tulǵalarynyń tarapynan jasalǵan sybaılas jemqorlyq quqyq buzýshylyqtaryn anyqtaý jáne aldyn alý; janýarlar dúnıesin qorǵaý, ósimin molaıtý jáne paıdalaný, orman sharýashylyǵy jáne erekshe qorǵalatyn tabıǵı aýmaqtar salasynda jasalǵan quqyq buzýshylyqtardy, jedel top aýyl sharýashylyǵy Mınıstrine rastaıtyn materıaldardy qosa tirkep, usynatyn bolady.
«2017 jyldyń maýsym aıynan bastap búgingi kúnge deıin jedel toptyń atqarǵan jumysynyń nátıjesi boıynsha tabıǵatty qorǵaý zańnamasyn buzǵan 18 fakt tirkeldi. Anyqtalǵan fakt boıynsha 3 qylmystyq is jáne 15 ákimshilik quqyqbuzýshylyq is qozǵaldy», - dep atap ótti E. Nysanbaev.
Budan bólek, QR ASHM Orman sharýashylyǵy jáne janýarlar dúnıesi komıtetiniń laýazymdy tulǵalaryna, aýmaqtyq bólimsheleri men vedimistik baǵynystaǵy uıymdarynyń qyzmetkerlerine tártip jazalar qoldanyldy.
Osy qabyldanyp jatqan sharalardyń barlyǵy Mınıstrlik tarapynan tabıǵatty qorǵaý zańnamasyndaǵy quqyq buzýshylyqtardyń tómendeýine baǵyttalǵan.
