«Iirim. Ana qadiri» telehıkaıasy adamzat úshin eń qadirli jan – ana beınesi jaıynda bolmaq dep habarlaıdy Qamshy.kz aqparat agenttigi. Telehıkaıada jas urpaqty meıirimdi, qaıyrymdy isterge tárbıeleý, úlkendi qurmetteý, qazaq halqyna tán qut uıyǵan otbasylyq dástúrdi úzbeý sıaqty mańyzdy taqyryptar oryn alady.

Basty keıipker Azamatty anasy Násip jalǵyz ózi tárbıeleıdi. Balasy úshin kóp qıyndyqqa tózip, jetildirip, er jetken soń qalaǵa oqýǵa jiberedi. Biraq, qalada ne páter, ne tabys joq Azamat qatty qınalady. Kún kóris úshin túngi klýbqa jumysqa turǵanymen, sabaǵy nasharlaı beredi. Sóıtip júrgende aýqatty adamnyń erke qyzy Aınurmen tanysyp, sóz baılasady.  Ekeýi bas qosyp, Azamat aýyldaǵy anasyn qolyna ákeledi. Onyń bul áreketi Aınurǵa unamaıdy, sebebi ol enesimen birge turǵysy kelmeıdi. Aqyry ene-kelin arasyndaǵy qaıshylyq asqynyp, Násip qarttar úıinen biraq shyǵady.

Azamattyń oıynda ne bar? Sheshesin sol kúıinde tastap kete bermek pe? 

Rólderde: Tynyshkúl Sultanberdıeva, Eraly Seıithan, Nyshanbek Jubanaev, Úsiphan Seıtimbet jáne t.b

«Iirim. Ana qadiri»  4 bólimdi telehıkaıasyn «QAZAQSTAN» Ulttyq telearnasynan 30 qyrkúıek kúni saǵat 15:50-de jáne 1-shi qazanda 16:15-te kóre alasyzdar!