Reseı, Iran jáne KHDR-ǵa qarsy sanksıalardy endigi kezekte memlekettik hatshy Reks Tılerson qadaǵalaıtyn bolady, dep habarlaıdy Qamshy.kz aqparat agenttigi Rıa novostı saıtyna silteme jasap. Bul sheshimge qatysty memorandýmǵa AQSH prezıdenti Donald Tramp qol qoıdy.
Tılerson Barak Obama basshylyǵy kezinde Ýkraınadaǵy jaǵdaıǵa qatysty AQSH tarapynan salynǵan Reseıge qarsy sanksıalar men zańdy turǵyda tyıym salynǵan isterge jaýap beretin bolady. Sonymen qatar, kıbershabýyl jasaǵany úshin Máskeýge salynǵan sanksıalardyń zańdy túrde oryndalýyn qadaǵalaıdy.
AQSH-tyń memlekettik hatshysy «kıberqaýipsizdikke zıan keltiretin» Reseı múddesinde áreket etetin tulǵalarǵa vıza berý týraly sheshim qabyldaıdy.
Aıta keter bolsaq, AQSH pen EO 2014 jyldan bastap Ýkraınadaǵy jaǵdaılarǵa baılanysty Reseıge qarsy birqatar sanksıalar salǵan bolatyn. Máskeý, óz kezeginde, Ýkraınanyń ishki daýlaryna jaqtas emes ekendikterin málimdegen jáne olarmen sanksıalar tilinde sóılesýge qarsy boldy.
2016 jyldyń jeltoqsan aıynda Vashıngton Reseıdi AQSH-taǵy prezıdent saılaýyna aralasty dep aıyptaǵan bolatyn. Alaıda, AQSH-ta ótken prezıdent saılaýyna reseılik hakerler shabýyl jasady degen aıypqa naqty dálel aıtpady. Reseı prezıdentiniń baspasóz hatshysy Dmıtrıı Peskov Máskeýge taǵylǵan aıypty múlde negizsiz dep atady.
