«Passenger Drone» kompanıasy Eýropada alǵashqy jolaýshylar dronyna synaq jasady,- dep habarlaıdy Qamshy.kz aqparat agenttigi.

Drondy jolaýshynyń ózi basqara alady, oǵan baratyn jerdiń adresin engizse boldy, ol tap sol jerge avtomatty túrde ushyp barady. Bul transporttyń sý jańa túri jolaýshylardy keptelisterde turmaýǵa jáne eshqandaı shýsyz tez arada tasymaldaýǵa negizdelgen. Dronǵa eki jolýshy syııady jáne keıde qolmen basqarýǵa bolady.

«Passenger Drone», «Ehang 184» jáne «Volocopter» kompanıalary Dýbaı naryǵy úshin talasýda, óıtkeni bul memleket alǵashqylardyń biri bolyp «ushatyn taksıdi» naǵyz qala jaǵdaıynda tekserip kórýge kelisimin bergen.

«Mundaı áýe kóligimen ushý ýaqyty 30-35 mınýtty quraıdy jáne saǵatyna 50 shaqyrym jyldamdyqpen qozǵalady»,- dedi «Passenger Drone» kompanıasynyń ókili Pıter Delko.

Oǵan qosa, Delko myrza kompanıa shyǵarǵan áýe kóliginiń resmı kórsetilimi kelesi jyldyń qańtar aıyndaǵy qoldanýshylarǵa arnalǵan elektronıkalyq shoýda (CES) jáne Eýropa men AQSH-ta ótetin basqa da sharalarda bolatyndyǵyn aıtty.