«Qazaqstan» Ulttyq arnasynda «Jibek Joly Juldyzy» halyqaralyq mýzykalyq megajobasy bastaldy dep habarlaıdy Qamshy.kz aqparat agenttigi. Bul jobada Uly Jibek Jolynyń boıynda ornalasqan Qazaqstan, Qyrǵyzstan, Tájikstan, Ózbekstan, Túrkıa, Ázerbaıjan, Grýzıa, Reseı Federasıasynyń: Tatarstan, Bashqurstan sıaqty elderiniń tanymal ánshileri óz ónerin kórsetpek.

Sondaı-aq, ár eldiń qatysýshylary  óz halqynyń mádenıeti men dástúrin qalyń kórermenge tanystyrady. Halyqaralyq joba ánderdiń alýan túrliligimen ǵana emes, túrki tildi halyqtarynyń mýzyka áleminde birlesip damýyna óz úlesin qosady. «Jibek Joly Juldyzy» Ulttyq arna efırinde birneshe aı boıy, senbi kúnderi jáne qatysýshy elderdiń telearnalarynda da kórsetiledi dep josparlanyp otyr 

Jobany saǵat 21:15-te «Qazaqstan» Ulttyq arnasynan kóre alasyzdar.