2017 jyly 1 qazanda Qazaqstan men Grekıa óz dıplomatıalyq qarym-qatynastar ornaýynyń 25 jyldyǵyn atap ótti dep habarlaıdy Qamshy.kz aqparat agenttigi SİM silteme jasaı otyryp.
Shırek ǵasyr ishinde bizdiń memleketterimizdiń qarym-qatynastary teńdik prınsıpi men ózara qurmet negizinde edáýir damyp, aıtarlyqtaı jetistikterge qol jetkizdi. Elder arasyndaǵy dostyq jáne týystyq baılanystar Qazaqstandaǵy kóptegen grek dıasporasy jáne Grekıada týratyn býrynǵy bizdiń azamattar arqyly óse týsýde.
Ellada – Qazaqstannyń eýropalyq keńistigindegi eski jáne senimdi áriptesi. Ekijaqty qarym-qatynastarda kópjosparly mádenı-gýmanıtarlyq ózara árekettestiktiń erekshe rólin atqarady, saýda-ekonomıkalyq jáne ınvestısıalyq yntymaqtastyq ta edáýir nyǵaıady.
Sońǵy jyldary Qazaqstan-Grek dıalogynyń arnaıy tetikteri kúsheıdi – Ekonomıkalyq jáne tehnologıalyq yntymaqtastyq boıynsha Úkimetaralyq komısıasy, sondaı-aq Dostyq Parlamenttik toby.
Bizdiń elderimiz JEEK pen EO arasyndaǵy aımaqaralyq yntymaqtastyqtyń jańa nysanyn synaqtan ótkizýde. Astana men Afına ekonomıkalyq kooperasıaǵa negizdelip, kóliktik-logıstıkalyq baılanystardy túıindestirýde ózara is-qımyldyń eleýli áleýetiniń bar ekenin moıyndaıdy.
Qazaqstan men Grekıa jahandyq energetıkalyq qaýipsizdikti qamtamasyz etý men balama energıa kózderin jappaı paıdalanýdy kúsheıtýge daýys berýde. Grekıanyń halyqaralyq mamandandyrylǵan «EKSPO-2017» kórmesine qatysýy memleketterimizdiń atalǵan baǵytta ortaq ustanymǵa ıe ekenimizdi kórsetip qana qoımaı, jasyl energetıka salasynda keleshegi bar yntymaqtastyǵy negiziniń qalanýyna jol ashty.
Halyqaralyq uıymdar sheńberinde ustanymdarymyzdyń uqsastyǵyn eskere otyryp, Qazaqstan men Grekıa álemdik arenada halyqaralyq qatynastardyń odan ári demokratızasıalanýyn qoldap, ony halyqaralyq-quqyqtyq normalar men ózara qurmetteý qaǵıdalaryn kúsheıtý negizinde turaqtylyqty kózdeıtin ózara árekettesýge qadamdar jasaýda.
Sońǵy jyldary eki elmen bizdiń qarym-qatynastarymyzdy sapaly jańa deńgeıge kóterýde qadamdar jasalynýda. Ortaq ekijaqty ózara árekettestikti odan ári órbitý nıetterimizdiń barlyǵyn qanaǵattarlyqpen atap ótemiz.
