Qyrǵyzstannyń Jalal-Abad oblysyndaǵy qyrǵyz-ózbek shekarasynda "Mádenıet" baqylaý-ótkizý beketi qaıta ashyldy. Bul týraly Qamshy.kz aqparat agenttigi azattyq.org málimetine súıenip habarlaıdy.
Azattyqtyń jergilikti tilshisiniń habarlaýynsha, ashylý saltanatyna eki jaqtan 300-deı adam jınaldy. Ashylý saltanatyna Qyrǵyzstan jáne Ózbekstannyń jergilikti bılik ókilderi qatysty.
Atalǵan baqylaý-ótkizý beketi 2004 jyly ashylǵan, biraq 2016 jyly ózbek tarapy shekarany birjaqty túrde jaýyp tastaǵan.
Bıyl qyrkúıekte Jalal-Abad oblysy Ala-Bóken aýdanyndaǵy "Baımak-avtojoly" men Osh oblysyndaǵy "Dostyq" baqylaý-ótkizý beketteri jeńildetilgen tártipke kóshken.
