Karl Krelı men Bobo Mende Germenıanyń Shoenberg aımaǵynda 38 jyl birge turǵannan keıin ǵana neke qıýǵa múmkindik aldy,- dep habarlaıdy Qamshy.kz aqparat agenttigi.

Germanıa memleketinde alǵash ret bir jynysty azamattardyń nekesin qıýǵa ruqsat beretin zań qabyldanyp, endigi ýaqytta geıler men lesbıanbar nekesi daǵdyly erkek pen áıeldiń nekesi retinde teń dárejede tanylyp otyr.

Budan úsh aı buryn Berlınde jáne Hambýrgte atalmysh másele talqylanyp, Parlamentke daýys berýge usynys tastalǵan bolatyn.

Berlındegi Shoenberg aımaǵynyń  neke tirkeýshisi Gordan Holand: «Biz búgingi kúni bir jynystylardyń nekesine múmkindik beretin sımvolıkalyq bastamaǵa jol berdik»,- dedi. Onyń aıtýynsha, bir jynystyq neke eń aldymen Shoenbergte bolǵan, sebebi, bul aımaq burynnan beri geıler men lesbıandardyń turaqtaıtyn jerine aınalǵan.

60-qa jýyq qonaqtar men jýrnalıser Shoenbergtegi neke saraıy «Golden Room» ortalyǵyna jınalyp, Karl Krelı men onyń jary Bodo Mendeniń toıyna jınaldy.

59 jastaǵy Krelı myrza óziniń qosaǵy 60 jastaǵy Mende myrzamen Germanıada alǵashqy nekege turǵanyna» maqtan tutatynyn» aıtty. Óıtkeni olar qanshama jyldar boıy geıler quqyǵy úshin kúresip kelgen.

Toıǵa arnalǵan kempirqosaq beınelengen tortty kese otyryp: «Neke barlyq adamǵa birdeı!» dep urandatqan jubaılar aptanyń sońynda Venaǵa 5 kúndik bal aıyna barady.