Sınoptıkter 3-5 qazan aralyǵyna arnalǵan aýa raıy boljamyn jarıa etti, - dep habarlaıdy Qamshy.kz aqparat agenttigi "Qazgıdromet" ókilderine silteme jasaı otyryp.
Sınoptıkterdiń aıtýynsha, aldaǵy úsh kúnde Taımyr túbeginen enetin sýyq aýa massalaryna baılanysty elimizdiń basym bóliginde jel kúsheıip, jańbyrdyń sońy qarǵa ulasady. Mundaı aýa-raıy tipti elimizdiń ońtústik jáne ońtústik-shyǵys oblystarynda aınalyp ótpeıdi.
Sınoptıkterdiń málimetine sáıkes, aldaǵy kúnderi aýa temperatýrasy soltústikte, shyǵysta jáne respýblıkanyń ortalyǵynda túnde 0 ... 8 aıaz, kúndiz 0 ... 5 gradýsqa deıin tómendeıdi; ońtústikte jáne ońtústik-shyǵysta túnde 3 aıaz ... 5 gradýsqa deıin, kúndiz 5... 13 gradýsqa deıin tómendeıdi.
Al elimizdiń batys óńirinde antısıklonnyń yqpalymen ashyq aýa raıy kútiledi.
"Qazgıdromet" RMK mamandarynyń málimetine sáıkes, Aýanyń temperatýrasy túnde 3 aıaz...5 jylyǵa deıin, kúndiz 8...16 jylyǵa deıin joǵarylaıdy. Jumaǵa qaraı Jerorta teńizinen ońtústik-batys jáne batys aýa aǵymdarymen Qazaqstannyń búkil aýmaǵyna jyly aýa massalary enedi. 7-10 qazan aralyǵynda ashyq jáne eń jyly kúnder ornaıdy. Aýanyń kúndizgi temperatýrasy : soltústikte + 10 ... + 18 gradýs, al ońtústikte + 20 ... 27 gradýsqa deıin joǵarylaıdy. Elimizdiń batysynda kúndizgi aýa temperatýrasy 18 ... 23 ° C qolaıly, ashyq aýa raıy uzaqqa sozylady.
Sonymen qatar, sınoptıkterdiń málimetinshe, kezekti aýa temperatýrasynyń aıtarlyqtaı tómendeýi jáne ýaqytsha qar jamylǵysynyń ornaýy aıdyn ortasynda jáne sońynda kútiledi.
Nátıjesinde aýanyń ortasha aılyq temperatýrasy Qostanaı, Soltústik Qazaqstan, Aqmola jáne Pavlodar oblystarynda aıtarlyqtaı sýyq bolady (normadan 1 gradýsqa tómen); al qalǵan aımaqtarda klımattyq norma shamasynda kútiledi.
Jaýyn-shashynnyń aılyq mólsheri Batys Qazaqstan, Aqtóbe, Qostanaı jáne Soltústik Qazaqstan oblystarynyń soltústiginde normadan kóp bolýy kútilýde; Aqmola, Pavlodar, Batys Qazaqstan, Aqtóbe, Qostanaı, Soltústik Qazaqstan oblystarynyń basym bóliginde jáne Ońtústik Qazaqstan, Jambyl, Almaty jáne Shyǵys Qazaqstan oblystarynyń taýly jáne taý bókterli aýdandarda - norma shamasynda, al qalǵan aımaqtarda - normadan az jaýady.
