Taldyqorǵanda Elbasynyń «Rýhanı jańǵyrý» baıaǵdarlamasy aıasynda Almaty oblystyq tilderdi damytý jónindegi basqarmasy jáne oblystyq ishki saıasat basqarmanyń uıymdastyrýymen «Latyn álipbıi: tehnıkalyq múmkindikter» aty dóńgelek ústel ótti.
Dóńgelek ústelge qurmetti qonaq retinde shaqyrylǵan «Qamshy» portalynyń jetekshisi, «Attila Group» kompanıasynyń ókili Bilál Qýanysh «Qazlatyn.kz» atty qarip aýystyrý konverterin tanystyryp, erekshelikterin atap ótti. «Bizdiń mamandarymyz on jyldan beri zerttep kele jatqan qazaq álipbıleriniń konverter júıesi osy kúnge deıin álem qazaqtary paıdalanyp kelgen kırıll, latyn, tóte jazýlardy bir-birine qateliksiz aýdara alatyn biregeı júıe dep senimmen aıta alamyz. Parlament májilisiniń tyńdaýynda tanystyrǵan júıe tóte jazýmen oqıtyn Qytaı qazaqtary da, latyn álipbıimen oqıtyn Eýropa qazaqtary da osy konverter arqyly jańa álipbıdegi málimetti oqı alady», — dedi B.Qýanysh óz sózinde.
Sharany júrgizgen Almaty oblysy ákiminiń orynbasary Jaqsylyq Omar latyn qarpi múmkindikterin talqylaı kele: «Til mamandary ózara kelisip, jyl aıaǵyna deıin bekitilgen qaripti usynady dep oılaımyz. Bizdiń oblys latyn qarpine kóshýge qashan da daıyn dep aıta alamyz», — dedi.
Sonymen qatar, atalǵan taqyrypta óz pikirlerin oblystyq bilim basqarmasy basshysynyń orynbasary Isaǵulova Gúlsara, oblystyq óńirlik komýnıkasıalar qyzmetiniń bólim basshysy Danıar Janys, Abaı atyndaǵy №1 mektep-gımnazıasynyń qazaq tili men ádebıeti pániniń muǵalimi Súıgenbaeva Botagóz bildirdi.
Jastarǵa qyzmet kórsetý ortalyǵynyń, Taldyqorǵan qalalyq bilim bóliminiń, oblystyq «Til» oqý ádistemelik ortalyǵy men oblystyq tilderdi damytý jónindegi basqarma qyzmetshileri jáne BAQ ókilderi qatysqan jıyn pikirtalastarǵa toly bolyp, kóptegen kókeıde júrgen suraqtarǵa jaýap alyndy.
​Esterińize sala ketsek, Bilál Qýanysh óz konverterin qyrkúıektiń basynda Májiliste ótken «Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly» parlamenttik tyńdaý kezinde tanystyrǵan bolatyn. «Qazlatyn.kz» konverterin mobıldi qosymsha retinde júktep alýǵa bolady.