Ótken aptada SHQO-daǵy Beloýsovka aýylynyń turǵyny ózine qol jumsamaq bolǵan. Qazir QR QK 105 baby boıynsha (sýısıdke deıin jetkizý) sotqa deıingi tergeý amaldary bastaldy dep jazady Qamshy.kz aqparat agenttigi caravan.kz-ke silteme jasap.
2017 jyly ózine qol jumsaýǵa deıin jetkizý baby boıynsha 779 qylmystyq is tirkeldi. Bul 2016 jylǵy kórsetkishpen salystyrǵanda kóp. Ótken jyly atalmysh bap boıynsha 589 is tirkelgen.
2008 jyly óskemendik İİB-niń úsh polıseıi fırmadaǵy urlyqqa baılanysty kúdiktige zańsyz áreket qoldanǵany úshin jazalandy. Sonyń nátıjesinde, kúdiktiler ózine qol jumsady. Kýágerlerdiń aıtýynsha, Rınat Sársekov pen Berik Sabıevti uryp-soqqan. Qoldaryn kisendep, bastaryna paket kıigzgen. Sotta polıseıler óz kinásin moıyndamady.
Eki polıseı 3 jylǵa bas bostandyǵynan aıyryldy, úshinshisi 2 jylǵa sottaldy.
8-shi qabattan sekirmek bolǵan qyz
2009 jyly qazannyń ortasynda memlekettik agenttik qyzmetkeri qol astyndaǵy jumysshysyn ózine qol jumsaýǵa deıin jetkizgeni úshin jumystan shyǵaryldy. Qyzmetker 8-shi qabattan sekirmek bolǵan.
Bolǵan oqıǵaǵa qatysty komısıa quryldy. Sheneýnikti qyzmetinen bosatý týraly sheshim shyǵaryldy.
Kóp balaly ananyń ózin órteýi
2010 jyly sot oryndaýshylar kóp balaly ana Svetlana Turǵambaevanyń otbasyn úıden shyǵarmaq bolǵanda ol ózine janarmaıdy quıyp, órtep jiberdi.
Svetlana Turǵambaeva satyp alǵan úı bastapqy kezde bir muragerge tıesili bolǵan. Odan keıin sot sheshimdi ózgertti. Bul ýaqytta úı satylyp ketken.
Osy iske qatysty tekserý áli júrip jatyr.
Jigit Atyraý ortalyǵynda baǵanǵa asylyp kóz jumdy
Atyraýda 2015 jyly jazda eki polıseı 23 jastaǵy jigitti uryp, qorlap, áriptestik ornatýǵa májbúrlegen.
Markov pen onyń úsh tanysy jáne eki qyz esirtki paıdalandy degen kúdikpen ustaldy.
Ustalǵan qyzdardyń biri Atyraý oblysy memlekettik qyzmet jáne jemqorlyqqa qarsy agenttikke polıseılerdiń 300 myń teńge talap etkenin aıtyp, shaǵym túsirgen. Kelesi kúni jastardy qaıta ustady. Al 2015 jyl 3-shi tamyzda Anton Markovtyń denesi baǵannan asylyp turǵan jerinen tabylǵan.
Eki polıseıge «Sýısıdke deıin jetkizý» jáne «Óz qyzmetin asyra paıdalaný» boıynsha is qozǵaldy. Sot burynǵy polıseılerdi kináli dep tapty. Doshanov 6 jylǵa bas bostandyǵynan aıyryldy. Dúısenov 5 jylǵa sottaldy. Olar ómir boıy polısıada jumys isteı almaıdy.
