«Mandalay Bay» demalys orny men Las Vegas Strıptegi kazıno mańynda jeksenbi kúni túnde bolǵan jappaı oq atý kezinde 50 adam qaza taýyp, 400 adam jaraqattandy,- dep habarlaıdy Qamshy.kz aqparat agenttigi.
Polısıa qyzmeti oqtyń demalys orny ǵımaratynyń 32 qabatynan atylǵandyǵyn málimdedi. Sol ýaqytta mýzyka festıvali qarsańynda ánshi Djeıson Adlean án salyp jatqan bolatyn.
Jergilikti polısıa málimetine súıensek, oq atqan 64 jastaǵy Stefan Paddok bolǵan. Ol óltirildi jáne onyń sybaılasy bolýy múmkin degen aıyppen Marıloý Denlı degen áıel kúdikti bolyp otyr.
Qaza bolǵandardyń qatarynda polısıa qyzmetkerleri de bar, biraq barlyq japa shekkender týraly jeke málimetter áli tolyq belgili bolǵan joq.
