2017 jylǵy 11 qazanda Sochı qalasynda TMD elderi basshylarynyń kezekti otyrysy ótedi, dep jazady Qamshy.kz aqparat agenttigi.

TMD atqarý komıtetiniń málimetine súıensek, otyrys barysynda TMD elderi qyzmetiniń ekonomıkalyq, saıası, mádenı-gýmanıtarlyq salalarynyń aldaǵy ýaqyttaǵy damý baǵyttaryn kózdeıtin máseleler talqylanbaq.

Táýelsiz memleketter dostastyǵy aıasynda yntymaqtastyq jaıly pikir almasyp, TMD tóraǵalyǵy jáne uıymǵa múshe elderi basshylary keńesiniń kelesi otyrysynyń merzimi men ótkiziletin jeri anyqtalmaq.

Otyrysta ekonomıka jáne mádenı-gýmanıtarlyq baǵyttardyń aldaǵy damýy, qorǵanys saıasaty, syrtqy shekara qorǵanysy, lańkestikke qarsy is-qımyl syndy mańyzdy máseleler, sondaı-aq, Dostastyqtyń jańa jaǵdaılarǵa beıimdelýi syndy birqatar  jobalar da talqylanady dep josparlanýda.