Syrtqy ister mınıstri Elbasyna BUU Bas Assambleıasynyń 72-sessıasyna qatysýynyń nátıjeleri jóninde baıandap, BUU Qaýipsizdik Keńesinde tóraǵalyq etýimizdiń negizgi basymdyqtary týraly aıtty,- dep Aqordanyń resmı saıtyna silteme jasap, Qamshy.kz aqparat agenttigi habarlaıdy.
Sondaı-aq, Syrtqy ister mınıstri Nursultan Nazarbaevqa Qazaqstannyń Azıadaǵy ózara is-qımyl jáne senim sharalary keńesindegi yntymaqtastyǵynyń negizgi baǵyttaryna toqtalyp, osy uıymǵa múshe elderdiń barlyǵy Qazaqstan Prezıdentiniń Sırıadaǵy qaqtyǵysty retteýge baǵyttalǵan bitimgerlik bastamasyna oń baǵa berip otyrǵanyn atap ótti.
Budan bólek, Qaırat Ábdirahmanov Islam yntymaqtastyǵy uıymy elderiniń syrtqy ister mınıstrleri bıylǵy qyrkúıekte Astanada ótken osy uıymnyń ǵylym jáne tehnologıalar jónindegi samıtiniń nátıjelerin joǵary baǵalaıtynyn erekshe atap ótti.
Kezdesý qorytyndysy boıynsha Memleket basshysy birqatar naqty tapsyrma berdi.
