Irkýtsk oblysynda mektep oqýshysy pedofılden qashyp qutylǵan. Qaskúnem 7-synyp oqýshysyn ormanǵa ertip baryp, sheshinýin talap etken. Yńǵaıly sátti kútken qyz bala pedofılden qashyp ketken. Qylmysker sol kúni-aq quryqtaldy.

Atalmysh aqparatty Reseıdiń tergeý komıteti jarıalady. Pedofılge qatysty adam urlaý isi boıynsha qylmystyq is qozǵaldy.

29 qyrkúıekte quqyqqorǵaý organyna jasóspirimniń urlanǵany týraly aqparat kelip tústi. Tergeýshiler 13 jastaǵy qyzdyń Angarsk qalasynda urlanǵanyn anyqtady. Voroshılov kóshesinde mektep oqýshysyn belgisiz bireý kúshtep kólikke otyrǵyzyp, kólik ormanǵa qaraı bet alǵan.

Dittegen jerine jetkende er adam qyzdan sheshinýin talap etken. Pedofıl basqa jaqqa burylǵan sátte-aq oqýshy qyz qasha jóneldi, ári munysy iske asty da. Polıseı qyzmetkerleri izin sýytpaı qylymskerdi sol kúni ustady. Ol Angarsk qalasynyń 35 jastaǵy turǵyny bolyp shyqty. Er adam qaladaǵy garaj kooperatıvteriniń birinen tabyldy.