157 memleket boıynsha jasalǵan jalaqy reıtingisi boıynsha Qazaqstan 86 orynda tur,- dep habarlaıdy Qamshy.kz aqparat agenttigi.  Bul reıtıń «Shkola Investora» saıtynda jarıalanǵan. Osyǵan sáıkes elimizde orta jalaqy mólsheri 480 dollardy quraıdy. Bir jyl buryn bul kórsetkish 339 dollar bolǵan.

Eń birinshi oryndy Shveısarıa memleketi ıelendi. Ondaǵy orta jalaqy mólsheri shamamen 3855 dollar. Al Norvegıa men Lúksembýrgte bul kórsetkish 3781 jáne 3565 dollar bolyp otyr.

Al eń tómengi orynda Zımbabve memleketi tur, ondaǵy orta jalaqy mólsheri nebary 21 dollar. Al Reseı bolsa, bul kórsetkishte 69-shy orynǵa jaıǵasty, sebebi Federasıada orta jalaqy 615 dollar.

QR ulttyq ekonomıka Mınıstrligi 2016 jyly «halyqtyń qarjylyq tabysy baǵanyń ósýine ilese almaı qaldy» dep málimdegen bolatyn. Al oblystar boıynsha eń tómengi jalaqyny Ońtústik Qazaqstan jáne Jambyl oblystarynyń turǵyndary alady. Oǵan qosa, kún kóris deńgeıinen de tómen jalaqy alatyn azamattar sany 2,7 %-ǵa ósken.