Orta salmaqtaǵy WBA (Super), IBO, WBC jáne IBF tujyrymdary boıynsha álem chempıony qazaqstandyq boksshy Gennadıı Golovkın (37-0-1, 33 KO) qazan aıynyń ekinshi jartysynda jer silkinisinen zardap shekkenderge kómektesý úshin Meksıkaǵa at basyn burady,-dep Qamshy.kz aqparat agenttigi khabar.kz saıtyna silteme jasap habarlaıdy.

Bul týraly ESPN Deportes basylymyna Golovkınniń promoýteri Tom Leffler Ázerbaıjannyń astanasy Baký qalasynda ótip jatqan Búkilálemdik boks keńesiniń 55-kongresinde aıtty . 

Al Búkilálemdik boks keńesi basshylarynyń aıtýynsha, Golovkın Pýerto-Rıko, Florıda jáne Hústonda tabıǵı apattan zardap shekkenderge kómektesedi.  Eske salaıyq, buǵan deıin 16 qyrkúıek kúni Las-Vegasta otandasymyzdyń qarsylasy bolǵan meksıkalyq Saýl Alvares (49-1-2, 34 KO) jer silkinisinen zardap shekken otandastaryna 1 mln dollar kóleminde aqsha aýdaryp, kómektesken bolatyn.  Meksıkadaǵy 7,1 baldyq jer silkinisi 19 qyrkúıek kúni bolǵan edi.

Sońǵy derekter boıynsha, bul apattan 360 adam qaza tapqan. Taǵy tórt mıllıonǵa jýyq turǵyn jaryqsyz otyr, dep jazady kaz.vesti.kz.